ഗ്യാസ് സബ്സിഡി തട്ടിപ്പുകൾ തടയുന്നതിനും യഥാർത്ഥ ഗുണഭോക്താക്കൾക്ക് മാത്രം ആനുകൂല്യങ്ങൾ ലഭ്യമാക്കുന്നതിനുമാണ് കേന്ദ്ര സർക്കാർ നിർദ്ദേശപ്രകാരം എണ്ണക്കമ്പനികൾ ഇ-കെ.വൈ.സി നിർബന്ധമാക്കിയത്. സമയപരിധി അവസാനിച്ചതോടെ പല വിതരണ കേന്ദ്രങ്ങളിലും ഉപഭോക്താക്കളുടെ വൻ തിരക്കാണ് അനുഭവപ്പെട്ടിരുന്നത്. പുതിയ ഇളവ് പ്രകാരം ഉപഭോക്താക്കൾക്ക് ഈ മാസം 31 വരെ നടപടികൾ പൂർത്തിയാക്കാം.
പൂർത്തിയാക്കേണ്ട വിധം:
ഉപഭോക്താക്കൾക്ക് തങ്ങളുടെ ഗ്യാസ് ഏജൻസിയിൽ നേരിട്ടെത്തി ബയോമെട്രിക് പരിശോധന വഴി ഇ-കെ.വൈ.സി പൂർത്തിയാക്കാം.
ഇൻഡേൻ (Indane), ഭാരത് ഗ്യാസ് (Bharat Gas), എച്ച്.പി ഗ്യാസ് (HP Gas) എന്നിവയുടെ ഔദ്യോഗിക മൊബൈൽ ആപ്ലിക്കേഷനുകൾ വഴിയും ആധാർ ഫെയ്സ് ഓതന്റിക്കേഷൻ (Face Authentication) ഉപയോഗിച്ച് വീട്ടിലിരുന്ന് തന്നെ പ്രക്രിയ പൂർത്തിയാക്കാൻ സാധിക്കും.
നിശ്ചിത സമയത്തിനുള്ളിൽ ഇ-കെ.വൈ.സി അപ്ഡേറ്റ് ചെയ്യാത്ത ഉപഭോക്താക്കളുടെ സബ്സിഡി താൽക്കാലികമായി തടസ്സപ്പെടാൻ സാധ്യതയുണ്ടെന്ന് അധികൃതർ വ്യക്തമാക്കി.
Post a Comment