ചെമ്പേരി: അയര്ലന്ഡില് നഴ്സായി ജോലി ചെയ്യുന്ന കണ്ണൂര് ചെമ്പേരി സ്വദേശിനി അനുമോള് പയസിന് മിസ് ഇന്ത്യ യൂണിവേഴ്സ് അയർലൻഡ് കിരീടം. ഡബ്ലിനില് നടന്ന പ്രൗഢഗംഭീരമായ സൗന്ദര്യമത്സരത്തിലാണ് അനുമോള് ഈ അഭിമാനകരമായ നേട്ടം സ്വന്തമാക്കിയത്.
കിരീടനേട്ടത്തിന് പുറമെ മത്സരത്തിലെ 'റണ്വേ ക്യൂൻ' എന്ന ഉപപദവിയും അനുമോള് സ്വന്തമാക്കി.
കുടുംബപശ്ചാത്തലം
ചെമ്പേരിയിലെ കർഷക കുടുംബാംഗമായ കല്ലംപ്ലാക്കല് പയസ് - മോളി ദമ്പതികളുടെ മകളാണ് അനുമോള്. ബംഗളൂരുവിലെ നിംഹാൻസിൽനിന്ന് ബിഎസ്സി നഴ്സിംഗ് ബിരുദം പൂർത്തിയാക്കിയ ശേഷമാണ് അനുമോള് അയർലൻഡിലെത്തി നഴ്സായി ജോലിയില് പ്രവേശിച്ചത്. ഹിന്ദി ബിരുദാനന്തര ബിരുദ വിദ്യാർഥിനിയായ ആൻമരിയയാണ് സഹോദരി.
പ്രതികരണം
തനിക്ക് ലഭിച്ച മിസ് ഇന്ത്യ യൂണിവേഴ്സ് അയർലൻഡ് കിരീടവും റണ്വേ ക്യൂൻ പദവിയും ജീവിതത്തിലെ ഏറ്റവും വിലമതിക്കുന്ന നേട്ടങ്ങളാണെന്ന് അനുമോള് പ്രതികരിച്ചു. ചെമ്പേരി പ്രദേശത്തിനും കേരളത്തിനും ഒരുപോലെ അഭിമാനമായി മാറിയിരിക്കുകയാണ് അനുമോളുടെ ഈ വിജയം.
Post a Comment