മലയാളികളുടെ പ്രിയപ്പെട്ട ഓണക്കാലത്ത് തിയേറ്ററുകളില് ആഘോഷം തീർക്കാൻ ഒട്ടനവധി സിനിമകളാണ് റിലീസിനൊരുങ്ങിയിരിക്കുന്നത്.
പ്രേമലുവിനു ശേഷം ഗിരീഷ് എ.ഡി. സംവിധാനം ചെയ്യുന്ന 'ബത്ലഹേം കുടുംബ യൂണിറ്റ്' ആണ് നിവിൻ പോളി - മമിത ബൈജു കൂട്ടുകെട്ടില് എത്തുന്ന പ്രധാന ഓണചിത്രം. തണ്ണീർ മത്തൻ ദിനങ്ങള്, സൂപ്പർ ശരണ്യ, പ്രേമലു എന്നീ സൂപ്പർ ഹിറ്റുകള്ക്ക് ശേഷം ഗിരീഷ് എ.ഡി.യും നിവിൻ പോളിയും ആദ്യമായി ഒന്നിക്കുന്ന ഈ റൊമാന്റിക് കോമഡി ചിത്രത്തില് സംഗീത് പ്രതാപ്, സുരേഷ് കൃഷ്ണ, ബിന്ദു പണിക്കർ, വിനയ് ഫോർട്ട് തുടങ്ങി വൻ താരനിര തന്നെ അണിനിരക്കുന്നുണ്ട്. ഭാവന സ്റ്റുഡിയോസിന്റെ ബാനറില് ദിലീഷ് പോത്തൻ, ഫഹദ് ഫാസില്, ശ്യാം പുഷ്കരൻ എന്നിവർ ചേർന്ന് നിർമ്മിക്കുന്ന ചിത്രം വിഷ്ണു വിജയ് സംഗീതത്തില് തമാശയുടെ അകമ്പടിയോടെയാണ് തിയേറ്ററുകളിലേക്ക് എത്തുന്നത്.
സ്വർണക്കള്ളക്കടത്തിന്റെ പശ്ചാത്തലത്തില് വലിയ കാൻവാസില് വൈശാഖ് സംവിധാനം ചെയ്യുന്ന പൃഥ്വിരാജ് ചിത്രമാണ് 'ഖലീഫ'. ചിത്രത്തില് 'മാമ്പറയ്ക്കല് അഹമ്മദ് അലി'യെന്ന അതിഥി വേഷത്തില് മോഹൻലാല് എത്തുന്നുവെന്നതാണ് മറ്റൊരു പ്രധാന ഹൈലൈറ്റ്. തെന്നിന്ത്യൻ താരം മാളവികാ ശർമ്മ നായികയാകുന്ന ചിത്രത്തില് ബോളിവുഡ് താരം നീല് നിതിൻ മുകേഷാണ് പ്രതിനായകൻ. 'പ്രതികാരം സുവർണ ലിപികളാല് എഴുതപ്പെടും' എന്നാണ് സിനിമയുടെ ടാഗ്ലൈൻ. ജേക്സ് ബിജോയ് സംഗീതം നിർവഹിക്കുന്ന ചിത്രത്തിന്റെ ഗാനങ്ങള് ഇതിനോടകം തന്നെ പ്രേക്ഷകശ്രദ്ധ നേടിക്കഴിഞ്ഞിട്ടുണ്ട്.
Post a Comment