കരുവഞ്ചാൽ: മലയോര നഗരമായ കരുവഞ്ചാൽ ടൗണിന് മാറ്റുകൂട്ടി പുതിയ 'ഐ ലവ് കരുവഞ്ചാൽ' (I ❤️ KARUVANCHAL) ബോർഡ് സ്ഥാപിച്ചു. കേരള വ്യാപാരി വ്യവസായി ഏകോപന സമിതി (KVVES) കരുവഞ്ചാൽ യൂണിറ്റിന്റെ നേതൃത്വത്തിൽ, എം.ആർ കാറ്ററിംഗ് സർവീസിന്റെ (MR Catering Service) സഹകരണത്തോടെയാണ് മനോഹരമായ ഈ സെൽഫി പോയിന്റ് ഒരുക്കിയത്.
കരുവഞ്ചാൽ ടൗണിൽ നടന്ന ചടങ്ങിൽ നടുവിൽ ഗ്രാമപഞ്ചായത്ത് പ്രസിഡന്റ് ഉദ്ഘാടനം നിർവഹിച്ചു.
വെള്ളാട്, പാത്തൻപാറ, കുടിയാൻമല, പാലക്കയംതട്ട് തുടങ്ങിയ വിനോദസഞ്ചാര-പ്രധാന മേഖലകളിലേക്കുള്ള ദിശാസൂചക ബോർഡിന് മുകളിലായാണ് മനോഹരമായ ലൈറ്റുകളോടെയുള്ള ബോർഡ് സ്ഥാപിച്ചിരിക്കുന്നത്. ടൗണിന്റെ സൗന്ദര്യവൽക്കരണത്തിനും നാട്ടുകാർക്കും ഇവിടെയെത്തുന്ന സഞ്ചാരികൾക്കും ആകർഷകമായ ഒരിടം ഒരുക്കുന്നതിനും ഇത് സഹായകമാകും. ചടങ്ങിൽ വ്യാപാരി വ്യവസായി ഏകോപന സമിതി ഭാരവാഹികളും ജനപ്രതിനിധികളും നാട്ടുകാരും സന്നിഹിതരായിരുന്നു.
Post a Comment