കണ്ണൂര്‍ കോളയാട് ജനവാസ മേഖലയില്‍ കാട്ടുപോത്തുകള്‍

 

കണ്ണൂര്‍ കോളയാട് ജനവാസ മേഖലയില്‍ ഭീതി വിതച്ച്‌ കാട്ടുപോത്തുകള്‍. കണ്ണവം വനമേഖലയോട് ചേര്‍ന്ന പെരുവയിലാണ് കാട്ടുപോത്തുകളിറങ്ങിയത്.

കാട്ടുപോത്ത് ആക്രമണത്തില്‍ കഴിഞ്ഞ വര്‍ഷം കോളയാട് ഒരാള്‍ കൊല്ലപ്പെട്ടിരുന്നു. നെടുംപൊയില്‍, കറ്റ്യാട്, കോളയാട്, പെരുവ, കണ്ണവം, മേഖലകളിലാണ് കാട്ടുപോത്തുകളുടെ സന്നിദ്ധ്യം ഉള്ളതെന്ന് പ്രദേശവാസികള്‍ പറഞ്ഞു.

അതേസമയം, കഴിഞ്ഞ മൂന്നുദിവസമായി ഇടമുളയ്ക്കല്‍, ഇട്ടിവ, ചടയമംഗലം പഞ്ചായത്തുകളുടെ വിവിധ ഭാഗങ്ങളില്‍ ചുറ്റിക്കറങ്ങിയ കാട്ടുപോത്തിനെ വനം വകുപ്പ് ഉദ്യോഗസ്ഥരുടെ തന്ത്രപരമായ നീക്കത്തിനൊടുവില്‍ കുളത്തൂപ്പുഴ വനമേഖലയിലേക്ക് കയറ്റിവിട്ടു.