നടുവിൽ: ബെംഗളൂരുവിൽ നിന്നുള്ള വിനോദസഞ്ചാരികൾ സഞ്ചരിച്ച ടൂറിസ്റ്റ് ബസ് പുലിക്കുരുമ്പയിൽ നിയന്ത്രണംവിട്ട് കടയിലേക്ക് ഇടിച്ചുകയറി. ചൊവ്വാഴ്ച രാത്രി എട്ടോടെയാണ് സംഭവം. അപകടത്തിൽ മൂന്നുപേർക്ക് പരിക്കേറ്റു. ഇതിൽ ഒരാളെ കരുവഞ്ചാൽ സെന്റ് ജോസഫ് ആശുപത്രിയിൽ പ്രവേശിപ്പിച്ചു. മറ്റുള്ളവരുടെ പരിക്ക് സാരമുള്ളതല്ല.
കോളേജ് വിദ്യാർഥികളും അധ്യാപകരുമടങ്ങുന്ന സംഘമാണ് വാഹനത്തിലുണ്ടായിരുന്നത്. പൈതൽമല, ഏഴരക്കുണ്ട്, പാലക്കയംത്തട്ട് തുടങ്ങിയ വിനോദസഞ്ചാര കേന്ദ്രങ്ങൾ സന്ദർശിക്കാൻ രണ്ട് ബസുകളിലായി എത്തിയ സംഘത്തിലെ ഒരു വാഹനമാണ് അപകടത്തിൽപെട്ടത്. കുടിയാന്മല ഭാഗത്തുനിന്ന് പുലിക്കുരുമ്പ ഭാഗത്തേക്ക് വരുന്നതിനിടെ വാഹനം റോഡരികിലെ കടയിലേക്ക് പാഞ്ഞുകയറുകയായിരുന്നു. വലിയൊരു ദുരന്തമാണ് തലനാരിഴയ്ക്ക് ഒഴിവായത്.
Post a Comment