മുബൈല് ഉപഭോക്താക്കള്ക്ക് ആശ്വാസവുമായി ട്രായ്. ഡാറ്റ പ്ലാൻ ഇല്ലാതെ കോളിങ്ങിനും എസ്എംഎസിനും മാത്രം പ്രത്യേക റീചാർജ് പ്ലാനുകള് നല്കാൻ ട്രായ് ഉത്തരവ്.30 ദിവസത്തില് താഴെയുള്ള ഹ്രസ്വകാല പ്ലാനുകള് ട്രായ് നിർബന്ധമാക്കി. ഇനി അനാവശ്യമായി ഡാറ്റ പായ്ക്കുകള്ക്ക് പണം നല്കേണ്ടതില്ല. വോയ്സ്-എസ്എംഎസ് പ്ലാനുകള്ക്ക് നിരക്ക് കുറയും. ഇത് സംബന്ധിച്ച് ടെലികോം കമ്പനികള്ക്ക് ട്രായ് നിർദേശം നല്കി.
30 ദിവസത്തില് താഴെയുള്ള ഹ്രസ്വകാല പ്ലാനുകള് ഇനി നിർബന്ധമാക്കി. ഡാറ്റ ആവശ്യമില്ലാത്തും ഫീച്ചർ ഫോണ് ഉപഭോക്താക്കള്ക്കും ഡാറ്റാ പായ്ക്കുകള് ഭാരമാകുന്നു എന്ന പരാതികളെ തുടർന്നാണ് ഈ സുപ്രധാന നീക്കം. ടെലികോം കണ്സ്യൂമർ പ്രൊട്ടക്ഷൻ (13-ാം ഭേദഗതി) ചട്ടങ്ങള് പുറത്തിറക്കി. കുറഞ്ഞ കാലാവധിയുള്ള പ്ലാനുകളുടെ ലഭ്യതക്കുറവ് പ്രധാനമായും ബാധിച്ചത് കുറഞ്ഞ വരുമാനമുള്ള ഉപഭോക്താക്കളെയും, വോയ്സ്-എസ്എംഎസ് സേവനങ്ങളോടൊപ്പം ഡാറ്റ കൂടി ഉള്പ്പെടുത്തിയുള്ള പ്ലാനുകള്ക്കായി പണം മുടക്കാൻ ആഗ്രഹിക്കാത്തവരെയുമാണെന്ന് റെഗുലേറ്റർ വ്യക്തമാക്കി. കൂടാതെ, പ്രതിമാസം പുതുക്കാവുന്ന പ്ലാനുകളേക്കാള് കൂടുതല് കാലാവധിയുള്ള കുറഞ്ഞത് ഒരു സ്പെഷ്യല് താരിഫ് വൗച്ചറുകള് എങ്കിലും ടെലികോം കമ്പനികള് നല്കേണ്ടതുണ്ട്.
Post a Comment