ഓട്ടോമൊബൈല് എൻജിനീയറിങ്, ഇലക്ട്രിക്കല് എൻജിനീയറിങ്, സിവില് എൻജിനീയറിങ് എന്നീ വിഭാഗങ്ങളിലെ ഒഴിവുള്ള സീറ്റുകളിലേക്കാണ് പ്രവേശനം നടക്കുന്നത്.
പ്രവേശനം ആഗ്രഹിക്കുന്ന വിദ്യാർഥികള് പ്രോസ്പെക്ടസില് പ്രതിപാദിച്ചിട്ടുള്ള എല്ലാ അസ്സല് (Original) സർട്ടിഫിക്കറ്റുകളും നിർദ്ദിഷ്ട ഫീസും സഹിതം രക്ഷിതാവിനോടൊപ്പം സെപ്റ്റംബർ 14-ന് രാവിലെ 10 മണിക്ക് മുൻപായി കോളേജില് നേരിട്ട് ഹാജരാകേണ്ടതാണ്. പോളിടെക്നിക് പ്രവേശനത്തിനായി ഇതുവരെ ഓണ്ലൈനായി അപേക്ഷ സമർപ്പിക്കാത്തവർക്കും ഈ സ്പോട്ട് അഡ്മിഷൻ പ്രക്രിയയില് നേരിട്ട് പങ്കാളികളാകാൻ അവസരമുണ്ട്.
വിദ്യാർഥിക്ക് ഏതെങ്കിലും കാരണവശാല് നേരിട്ട് ഹാജരാകാൻ സാധിക്കാത്ത സാഹചര്യമുണ്ടായാല്, സർക്കാരിന്റെ പ്രോസ്പെക്റ്റസ് അനുസരിച്ചുള്ള നിർദ്ദിഷ്ട പ്രോക്സി ഫോറം (Proxy Form) പൂരിപ്പിച്ചു നല്കി പ്രതിനിധി മുഖേനയും പങ്കെടുക്കാവുന്നതാണ്. പ്രവേശന നടപടികളെക്കുറിച്ചുള്ള കൂടുതല് വിവരങ്ങള്ക്ക് 0460 2251033 എന്ന ഫോണ് നമ്പറില് കോളേജ് ഓഫിസുമായി ബന്ധപ്പെടാമെന്ന് അധികൃതർ അറിയിച്ചു.
Post a Comment