ഇന്ന് വൈകിട്ടോടെയായിരുന്നു സംഭവം. ഭക്ഷണം പാചകം ചെയ്യുന്നതിനിടെ ഗ്യാസ് സിലിണ്ടർ ലീക്കാകുകയും തീപടർന്നുപിടിച്ച് സിലിണ്ടർ ഉഗ്ര ശബ്ദത്തോടെ പൊട്ടിത്തെറിയ്ക്കുകയുമായിരുന്നു. സ്ഫോടനത്തിന്റെ ആഘാതത്തില് വീടിന്റെ ഉള്ഭാഗം പൂർണമായി തകരുകയും വീട്ടുപകരണങ്ങള് കത്തിനശിക്കുകയും ചെയ്തു.അതേസമയം, അപകടസമയം സ്ത്രീകളും കുട്ടികളുമുള്പ്പെടെ നാലുപേർ വീട്ടിലുണ്ടായിരുന്നെന്നാണ് വിവരം. ഗ്യാസ് ലീക്കായതിന് പിന്നാലെ ഇവർ പുറത്തേയ്ക്ക് ഓടി രക്ഷപ്പെട്ടതിനാല് വൻ ദുരന്തമാണ് ഒഴിവായത്. വിവരമറിഞ്ഞ് തൃക്കരിപ്പൂരില് നിന്നെത്തിയ അഗ്നിരക്ഷാ സേനാ വിഭാഗം തീ പൂർണ്ണമായും അണച്ചു.
Post a Comment