യാഷ് നായകനാകുന്ന 'ടോക്സിക്', സല്മാൻ ഖാൻ നായകനാകുന്ന SVC63 തുടങ്ങിയ ചിത്രങ്ങളിലൂടെ വൻനിര പ്രോജക്ടുകളുമായി തിരക്കിലാണ് നടി നയൻതാര.
ഇതിനിടയിലാണ് തിരുമല സന്ദർശനത്തിനിടെ നടി തല മൊട്ടയടിച്ചതായി കാണിക്കുന്ന ചില ഫോട്ടോകള് സമൂഹമാധ്യമങ്ങളില് വ്യാപകമായി പ്രചരിച്ചത്. ‘ടോക്സിക്’ റിലീസിന് മുന്നോടിയായി നടി ക്ഷേത്രത്തില് വെച്ച് മുടി വടിച്ചു കളഞ്ഞു എന്ന തരത്തിലായിരുന്നു അവകാശവാദങ്ങള് ഉയർന്നത്.എന്നാല് സോഷ്യല് മീഡിയയില് (പ്രത്യേകിച്ച് എക്സില്) വൈറലായ ഈ ചിത്രങ്ങള് പൂർണ്ണമായും വ്യാജവും ഡിജിറ്റലായി എഡിറ്റ് ചെയ്തതുമാണ്. AI സാങ്കേതികവിദ്യ ഉപയോഗിച്ച് നിർമ്മിച്ചതോ കൃത്രിമമായി മാറ്റം വരുത്തിയതോ ആയ ചിത്രങ്ങളാണിതെന്ന് നെറ്റിസണ്മാർ തന്നെ കണ്ടെത്തിയിരുന്നു.
യഥാർത്ഥത്തില് ഈ വർഷം ഏപ്രിലില് ഭർത്താവ് വിഘ്നേഷ് ശിവനൊപ്പം തിരുമല ക്ഷേത്രത്തില് നയൻതാര ദർശനം നടത്തിയ വേളയിലെ ചിത്രങ്ങളാണ് ഇത്തരത്തില് എഡിറ്റ് ചെയ്യപ്പെട്ടിരിക്കുന്നത്. യഥാർത്ഥ ഫോട്ടോകളില് താരം മുടിയോടുകൂടിയിരിക്കുന്നത് വ്യക്തമാണ്. അതേ വേഷവും ആഭരണങ്ങളും നിലനിർത്തിക്കൊണ്ട് മുഖം മാത്രം മോർഫ് ചെയ്ത് കഷണ്ടിയുള്ള രൂപത്തിലാക്കി മാറ്റുകയാണുണ്ടായത്. നയൻതാര തല മൊട്ടയടിച്ചതായി വിശ്വസനീയമായ യാതൊരു തെളിവുമില്ല.
Post a Comment