ആലപ്പുഴയിലെ ചെങ്ങന്നൂരില് കോടതി ജീവനക്കാരനായ വിലങ്ങാട് വായാട് കോളനി നിവാസി സുനില് (40) ആണ് മരിച്ചത്. പ്രദേശത്തെ വയലില് ഇറങ്ങിയ കാട്ടുപോത്ത് കൂട്ടത്തെ തുരത്തിയോടിക്കാൻ ശ്രമിക്കവേയാണ് ആക്രമണമുണ്ടായത്. കാട്ടുപോത്ത് കൂട്ടം ഇറങ്ങിയ വിവരമറിഞ്ഞ് വനംവകുപ്പും നാട്ടുകാരും തുരത്തിയോടിക്കാൻ എത്തിയിരുന്നു.
ഇതിനിടെ ഒരു കാട്ടുപോത്ത് സുനിലിനെ ആക്രമിക്കുകയായിരുന്നു. ഗുരുതരമായി പരുക്കേറ്റ സുനിലിനെ ഉടൻ കുറ്റ്യാടി താലൂക്ക് ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. ഓണം അവധിക്ക് നാട്ടില് എത്തിയതായിരുന്നു സുനില്. സംഭവത്തില് പൊലീസ് കേസെടുത്തു.
Post a Comment