വലിയ അസന്തുലിതാവസ്ഥയാണ് സ്വർണവിലയില് കഴിഞ്ഞ നാളുകളിലെല്ലാം ഉണ്ടായത്. അന്താരാഷ്ട്ര വിപണിയിലെ മാറ്റങ്ങള് ഇന്ത്യയിലെ സ്വർണവിലയേയും വലിയ തോതില് ബാധിച്ചിരുന്നു. പശ്ചിമേഷ്യൻ യുദ്ധമുണ്ടാക്കിയ ബുദ്ധിമുട്ടുകള് മറ്റെല്ലാ വിപണിയെയും പോലെ സ്വർണ വിപണിയേയും പിടിച്ചു കുലുക്കി.
ഇപ്പോള് ഉണ്ടായിരിക്കുന്ന വിലക്കയറ്റം വിപണിയില് ആശങ്ക പരത്തുന്നതിനൊപ്പം, ഇനി വലിയൊരു കുതിച്ചുചാട്ടത്തിനുള്ള മുന്നൊരുക്കമാണോയെന്നും വിദഗ്ധർ സംശയിക്കുന്നുണ്ട്. വരാനിരിക്കുന്ന കല്യാണ സീസണിനെ ഇത് കടുത്ത പ്രതിസന്ധിയിലാക്കുമെന്നാണ് പൊതുവെയുള്ള വിലയിരുത്തല്. വിവാഹ ആവശ്യങ്ങള്ക്കായി സ്വർണം വാങ്ങാൻ തയ്യാറെടുക്കുന്ന സാധാരണക്കാരായ കുടുംബങ്ങള്ക്ക് താങ്ങാനാവാത്ത വിധമാണ് ഓരോ ദിവസവും സ്വർണവില കുതിച്ചുയരുന്നത്. വിലക്കയറ്റം തുടരുന്നത് വിവാഹ വിപണിയെയും സ്വർണ വ്യാപാരമേഖലയെയും ഒരുപോലെ തളർത്തുമെന്ന ആശങ്കയും ശക്തമാണ്.
Post a Comment