കെ.എസ്.ആര്‍.ടി.സി ബസും ഓട്ടോയും കൂട്ടിയിടിച്ചു അപകടം; നാല് ദിവസം പ്രായമായ കുഞ്ഞുള്‍പ്പടെ മൂന്ന് പേര്‍ മരിച്ചു

തിരുവനന്തപുരത്ത്: താമരക്കുളത്ത് കെ.എസ്.ആര്‍.ടി.സി ബസും ഓട്ടോയും കൂട്ടിയിടിച്ചുണ്ടായ അപകടത്തില്‍ നവജാത ശിശു ഉള്‍പ്പടെ മൂന്ന് പേര്‍ മരിച്ചു.

മണമ്ബൂര്‍ സ്വദേശി മഹേഷ് -അനു ദമ്ബതികളുടെ നാല് ദിവസം പ്രായമായ കുഞ്ഞ്, അനുവിന്റെ അമ്മ ശോഭ, ഓട്ടോ ഡ്രൈവര്‍ സുനി എന്നിവരാണ് മരിച്ചത്.

അനുവിന്റെ പ്രസവാനന്തരം ആശുപത്രിയില്‍ നിന്ന് മടങ്ങുന്നതിനിടെയാണ് അപകടമുണ്ടായത്. കുഞ്ഞിന്റെ മാതാപിതാക്കള്‍ക്കും പരിക്കേറ്റു. രാത്രി എട്ടരയോടെയാണ് അപകടമുണ്ടായത്. അപകടത്തില്‍ റോഡിലേക്ക് തെറിച്ചുവീണാണ് നവജാത ശിശു മരിച്ചത്.