അയല്വാസിയുടെ കുത്തേറ്റ് വീട്ടമ്മയെ ആശുപത്രിയില് പ്രവേശിപ്പിച്ചു. പള്ളിക്കുന്ന് രാമതെരുവിലെ കെ.അനിത (53) യ്ക്കാണ് സ്ക്രൂഡ്രൈവര് കൊണ്ട് കുത്തേറ്റത്. ഗുരുതരമായി പരിക്കേറ്റ അനിതയെ കണ്ണൂര് എകെജി ആശുപത്രിയില് പ്രവേശിപ്പിച്ചു.
സംഭവവുമായി ബന്ധപ്പെട്ട് അയല്വാസി റിപ്പര് എന്ന റിജേഷി (32) നെ ടൗണ് സിഐ ശ്രീജിത്ത് കൊടേരിയുടെ നേതൃത്വത്തിലുള്ള പോലീസ് സംഘം അറസ്റ്റ്ചെയ്തു. ഇന്നലെ രാത്രി 7.30 ഓടെയായിരുന്നു സംഭവം.
മദ്യപിച്ചെത്തിയ റിജേഷ് തന്റെ അമ്മയുടെ മരണത്തിനു കാരണം അനിതയാണെന്നാരോപിച്ച് സ്ക്രൂഡ്രൈവര് എടുത്ത് അനിതയുടെ വീട്ടില് കയറി വയറിന് കുത്തിപ്പരിക്കേല്പ്പിക്കുകയായിരുന്നുവെന്ന് പോലീസ് പറഞ്ഞു. വധശ്രമത്തിനാണ് പോലീസ് കേസെടുത്തത്.
Post a Comment