അരവണ വിതരണത്തില് ഏർപ്പെടുത്തിയ ഈ നിയന്ത്രണത്തിനെതിരെ ഭക്തജനങ്ങളില് നിന്നും കടുത്ത എതിർപ്പാണ് ഉണ്ടായത്, സംഭവത്തില് ദേവസ്വം മന്ത്രിയും തന്റെ അതൃപ്തി പരസ്യമായി പ്രകടിപ്പിച്ചിരുന്നു. അരവണ നിർമ്മാണ പ്ലാന്റില് നവീകരണ പ്രവർത്തികള് നടന്നു കൊണ്ടിരിക്കുന്നതിനാലാണ് ഈ താല്ക്കാലിക നിയന്ത്രണം ഏർപ്പെടുത്തേണ്ടി വന്നതെന്നായിരുന്നു ദേവസ്വം ബോർഡിന്റെ ഔദ്യോഗിക വിശദീകരണം.
കന്നിമാസ പൂജകള്ക്കായി ശബരിമല നട തുറന്നതോടെ ദിവസേന നാല്പതിനായിരത്തിലധികം തീർത്ഥാടകരാണ് സന്നിധാനത്തേക്ക് എത്തിക്കൊണ്ടിരിക്കുന്നത്. മണ്ഡലകാല തീർത്ഥാടനത്തിന് ഇനി രണ്ട് മാസം മാത്രം ബാക്കിനില്ക്കെ, സർക്കാരും ദേവസ്വം ബോർഡും തമ്മിലുള്ള ഭിന്നതകളും ചർച്ചയാകുന്നുണ്ട്.
Post a Comment