ആകാശക്കാഴ്ചകൾ ഇഷ്ടപ്പെടുന്ന മലയാളികൾക്ക് ഇതാ ഒരു അപൂർവ്വ അവസരം. അന്താരാഷ്ട്ര ബഹിരാകാശ നിലയം (ISS) ഇന്ന് കേരളത്തിന് മുകളിലൂടെ കടന്നുപോകും. യാതൊരു ഉപകരണങ്ങളുടെയും സഹായമില്ലാതെ, നഗ്നനേത്രങ്ങൾ കൊണ്ട് തന്നെ ഈ അത്ഭുതക്കാഴ്ച നമുക്ക് കാണാനാകും എന്നതാണ് ഇതിന്റെ ഏറ്റവും വലിയ സവിശേഷത.
എപ്പോൾ, എവിടെ നോക്കണം?
ഇന്ന് (വെള്ളിയാഴ്ച) രാത്രി 7.40 മുതൽ 7.55 വരെയുള്ള സമയത്താണ് ബഹിരാകാശ നിലയം കേരളത്തിന് മുകളിലെത്തുക. തെക്കു-പടിഞ്ഞാറൻ ആകാശത്തു നിന്ന് വടക്കു-കിഴക്കോട്ട് അതിവേഗത്തില് സഞ്ചരിക്കുന്ന തിളക്കമുള്ള ഒരു പ്രകാശബിന്ദുവായി ഇത് കാണാം. വിമാനങ്ങളെപ്പോലെ ഇതിന്റെ വെളിച്ചം മിന്നിമറയില്ല. തെളിഞ്ഞ ആകാശമാണെങ്കിൽ കാഴ്ച വളരെ വ്യക്തമായിരിക്കും.
മലയാളികൾക്ക് അഭിമാന നിമിഷം
കേരളത്തിന് മുകളിലൂടെ ബഹിരാകാശ നിലയം കടന്നുപോകുമ്പോൾ മലയാളികൾക്ക് അഭിമാനിക്കാൻ വകനൽകുന്ന മറ്റൊരു കാര്യം കൂടിയുണ്ട്. നിലയത്തിൽ മലയാളിയായ ആദ്യ ബഹിരാകാശ സഞ്ചാരി അനില് മേനോൻ കൂടിയുണ്ട്! നാസ ശാസ്ത്രജ്ഞനായ അനിൽ മേനോൻ ഉൾപ്പെടെ ഏഴ് പേരാണ് നിലവിൽ ഐ.എസ്.എസിൽ ഉള്ളത്. അതിനാൽ തന്നെ നമ്മൾ മുകളിലേക്ക് നോക്കുമ്പോൾ, ബഹിരാകാശത്ത് നിന്ന് ഒരു മലയാളി നമ്മെയും നോക്കുന്നുണ്ടാകും!
അതിവേഗം ബഹുദൂരം
* ഉയരം: ഭൂമിയില് നിന്ന് ഏകദേശം 400 കിലോമീറ്റർ ഉയരത്തിലാണ് ബഹിരാകാശ നിലയം സ്ഥിതി ചെയ്യുന്നത്.
* വേഗത: മണിക്കൂറില് 28,000 കിലോമീറ്റർ എന്ന അതിശയകരമായ വേഗതയിലാണ് ഇതിന്റെ സഞ്ചാരം.
* ഭ്രമണം: വെറും 90 മിനിറ്റുകൊണ്ട് നിലയം ഭൂമിയെ ഒരു തവണ വലംവെക്കും. അതായത് ഒരു ദിവസം 16 തവണയാണ് നിലയം ഭൂമിയെ ചുറ്റുന്നത്.
അതുകൊണ്ട് ഇന്നത്തെ ഈ അപൂർവ്വ നിമിഷം സാക്ഷ്യം വഹിക്കാൻ മറക്കല്ലേ, സുഹൃത്തുക്കൾക്കും ഈ വിവരം ഷെയർ ചെയ്യുക!
Post a Comment