ചെറുപുഴ: അന്താരാഷ്ട്ര ബാഡ്മിന്റൺ കോർട്ടിൽ രാജ്യത്തിന്റെയും നാടിന്റെയും അഭിമാനമുയർത്തിയ പുളിങ്ങോം സ്വദേശിനി ട്രീസാ ജോളിക്ക് രാജ്യത്തെ പരമോന്നത കായിക പുരസ്കാരങ്ങളിലൊന്നായ അർജുന അവാർഡ്. കോമൺവെൽത്ത് ഗെയിംസിൽ ഇരട്ടമെഡൽ കരസ്ഥമാക്കുന്ന ആദ്യ മലയാളി താരം എന്ന നേട്ടത്തിന് പിന്നാലെയാണ് കായികരംഗത്തെ സമഗ്ര സംഭാവനകളെ മാനിച്ച് രാജ്യം താരത്തെ ഈ വലിയ അംഗീകാരം നൽകി ആദരിച്ചത്.
കോമൺവെൽത്ത് ഗെയിംസ് ബാഡ്മിന്റൺ വനിതാ ഡബിൾസിൽ വെങ്കലവും മിക്സഡ് ടീം ഇനത്തിൽ വെള്ളിയും നേടിയ ട്രീസ, നേരത്തെ തോമസ് ആൻഡ് യൂബർ കപ്പ്, വേൾഡ് ടൂർ ടൂർണമെന്റുകൾ എന്നിവയിലും ഇന്ത്യക്കായി മികച്ച പ്രകടനം കാഴ്ചവെച്ചിട്ടുണ്ട്. പിതാവ് ജോളി മാത്യുവിന്റെ കീഴിൽ പ്രാഥമിക പരിശീലനം തുടങ്ങിയ താരം തലശ്ശേരി ബ്രണ്ണൻ കോളേജ് വിദ്യാർത്ഥിനിയായിരിക്കെയാണ് അന്താരാഷ്ട്ര തലത്തിൽ ശ്രദ്ധേയമായ പല നേട്ടങ്ങളും സ്വന്തമാക്കിയത്. കായികരംഗത്തെ മികവ് പരിഗണിച്ച് സംസ്ഥാന സർക്കാർ ട്രീസയ്ക്ക് ജിഎസ്ടി വകുപ്പിൽ നിയമനം നൽകിയിരുന്നു.
Post a Comment