നടുവിൽ: കാലവർഷം ശക്തിപ്പെടുന്ന സാഹചര്യത്തിൽ നടുവിൽ ഗ്രാമപഞ്ചായത്തിൽ പൊതുജനങ്ങൾക്കായി അടിയന്തര ജാഗ്രതാ നിർദേശം പുറപ്പെടുവിച്ചു. പുഴകളിലും തോടുകളിലും ജലനിരപ്പ് അപകടകരമായ രീതിയിൽ ഉയരുന്നതിനാൽ, പുഴയരികിൽ താമസിക്കുന്നവർ പ്രത്യേകം ജാഗ്രത പാലിക്കണമെന്ന് ഗ്രാമപഞ്ചായത്ത് പ്രസിഡൻ്റ് ശ്രീമതി മേഴ്സി സജി അറിയിച്ചു.
അടിയന്തര സാഹചര്യങ്ങൾ നേരിടുന്നതിനായി ദുരന്ത നിവാരണ സേന അംഗങ്ങളോട് സജ്ജരാകാൻ നിർദേശിച്ചിട്ടുണ്ട്. 'ജാഗ്രതയാണ് ജീവൻ രക്ഷ' എന്ന സന്ദേശത്തോടെയാണ് പഞ്ചായത്ത് മുന്നറിയിപ്പ് നൽകിയിരിക്കുന്നത്. പൊതുജനങ്ങൾക്ക് അടിയന്തര സഹായങ്ങൾക്കായി 24 മണിക്കൂറും പ്രവർത്തിക്കുന്ന കൺട്രോൾ റൂം നടുവിൽ ഗ്രാമപഞ്ചായത്തിൽ തുറന്നു.
കൺട്രോൾ റൂം നമ്പറുകൾ:
9605017331
9447088473
9496049048
പൊതുജനങ്ങൾക്കുള്ള പ്രധാന നിർദേശങ്ങൾ:
വാർത്തകളും ഔദ്യോഗിക അറിയിപ്പുകളും നിരന്തരം ശ്രദ്ധിക്കുക.
അത്യാവശ്യ സന്ദേശങ്ങൾ കൈമാറാൻ തയ്യാറായിരിക്കുക.
അപകടസാധ്യത ഒഴിവാക്കാൻ വൈദ്യുതി ഉപകരണങ്ങളിൽ നിന്ന് അകലം പാലിക്കുക.
അടിയന്തര ഘട്ടങ്ങളിലേക്ക് ആവശ്യമായ മരുന്നുകളും പ്രഥമശുശ്രൂഷാ കിറ്റും മുൻകൂട്ടി തയ്യാറാക്കി വെക്കുക.
Post a Comment