കഴിഞ്ഞ ഓഗസ്റ്റ് 28-നാണ് അപകടത്തിന് കാരണമായ സംഭവം നടന്നത്. തേങ്ങ പറിക്കുന്നതിനായി തെങ്ങില് കയറിയ സമയത്ത് തെങ്ങിലുണ്ടായിരുന്ന കടന്നല്ക്കൂട് അപ്രതീക്ഷിതമായി ഇളകുകയും ഗോകുല്ദാസിനെ കൂട്ടത്തോടെ ആക്രമിക്കുകയുമായിരുന്നു. കടന്നലുകളുടെ ആക്രമണത്തില് ഗുരുതരമായി പരിക്കേറ്റ ഇദ്ദേഹത്തെ ഉടൻ തന്നെ കണ്ണൂരിലെ സ്വകാര്യ ആശുപത്രിയില് പ്രവേശിപ്പിച്ചു.
ആശുപത്രിയില് വിദഗ്ധ ചികിത്സ ലഭ്യമാക്കിയെങ്കിലും ആരോഗ്യാവസ്ഥ മോശമാവുകയും തുടര്ന്ന് ജീവൻ രക്ഷിക്കാൻ സാധിക്കാതെ വരികയുമായിരുന്നു. സംഭവത്തെ തുടർന്ന് പ്രദേശവാസികളും ബന്ധുക്കളും വലിയ ആഘാതത്തിലാണ്. മൃതദേഹം തുടർനടപടികള് പൂർത്തിയാക്കിയ ശേഷം ബന്ധുക്കള്ക്ക് വിട്ടുനല്കും.
Post a Comment