ഡല്ഹി: 814 ഗ്രാം എംഡിഎംഎയുമായി മലയാളി പൈലറ്റ് പിടിയില്. കോഴിക്കോട് വെസ്റ്റ് ഹില് സ്വദേശിയായ സ്വകാര്യ എയര്ലൈന്സിലെ മുന് പൈലറ്റ് അര്ഷാദ് അലിയാണ് സെക്ടര് 39 ക്രൈംബ്രാഞ്ച് സംഘത്തിന്റെ പിടിയിലായത്.എന്ഡിപിഎസ് ആക്ട് പ്രകാരം അര്ഷാദ് അലിക്കെതിരെ രാജേന്ദ്ര പാര്ക്ക് പൊലീസ് സ്റ്റേഷനില് കേസ് രജിസ്റ്റര് ചെയ്തു. ഇയാളില് നിന്ന് പിടിച്ചെടുത്ത എംഡിഎംഎക്ക് രാജ്യാന്തര വിപണിയില് 35 ലക്ഷം രൂപ വിലവരുമെന്ന് പൊലീസ് പറഞ്ഞു. മുന്പ് ഒരു സ്വകാര്യ എയര്ലൈനില് പൈലറ്റായി പ്രവര്ത്തിച്ച അര്ഷാദ് അലി നിലവില് ഒരു കമ്പനിയിലും പ്രവര്ത്തിക്കുന്നില്ല.
നോയിഡയിലെ സുഹൃത്തില് നിന്നാണ് അഞ്ചു ലക്ഷം രൂപ നല്കി എംഡിഎംഎ വാങ്ങിയതെന്നാണ് ഇയാള് പൊലീസിന് നല്കിയ മൊഴി. തുടക്കത്തില് സ്വന്തം ആവശ്യത്തിനായി എംഡിഎംഎ വാങ്ങിയത്. സാമ്പത്തിക നേട്ടം മനസിലാക്കിയാണ് ലഹരിമരുന്നു വില്പനയിലേക്കു കടന്നതെന്നും ഇയാള് പൊലീസിനോട് പറഞ്ഞു. ലഹരിമരുന്നു വില്പനയ്ക്കു ശേഷം ബാക്കി തുക നല്കാനായിരുന്നു ധാരണ.
ലഹരിമരുന്ന ശൃംഖലയുടെ ഉറവിടം കണ്ടെത്താനും സംഘത്തിലെ മറ്റുള്ളവരെ കണ്ടെത്തുന്നതുള്പ്പെടയുള്ള അന്വേഷണത്തിനായി അര്ഷാദിനെ പൊലീസ് കസ്റ്റഡിയില് വാങ്ങും. കേസുമായി ബന്ധപ്പെട്ട് തുടര്ദിവസങ്ങളില് കൂടുതല് അറസ്റ്റ് ഉണ്ടായേക്കുമെന്നും പൊലീസ് പറഞ്ഞു
Post a Comment