ക്രിസ്മസ് - ന്യൂ ഇയര്‍ അവധിക്കാലത്ത് പ്രത്യേക ട്രെയിൻ സര്‍വീസ്

കണ്ണൂർ : ക്രിസ്മസ്, ന്യൂ ഇയർ സീസണില്‍ കേരളത്തിലേക്ക് പ്രത്യേക ട്രെയിൻ സർവീസുകള്‍ പ്രഖ്യാപിച്ച്‌ റെയില്‍വേ.

ഈ ട്രെയിനുകള്‍ക്ക് കണ്ണൂർ, തലശേരി, കാസർകോട് സ്റ്റോപ്പുകള്‍ അനുവദിച്ചിട്ടുണ്ട്. ഇരുപതു മുതല്‍ നാല് ശനിയാഴ്ച്ചകളില്‍ ഗുജറാത്തിലെ വഡോദരയില്‍ നിന്നും കോട്ടയത്തേക്ക് സ്പെഷ്യല്‍ ട്രെയിൻ സർവീസ് നടത്തും. വഡോദരയില്‍ നിന്ന് ശനിയാഴ്ച്ച രാവിലെ ഒൻപത് മണിക്ക് പുറപ്പെടുന്ന ട്രെയിൻ ഞായറാഴ്ച്ച രാത്രി ഏഴുമണിയോടെ കോട്ടയത്ത് എത്തും.

ഞായറാഴ്ച്ചകളില്‍ രാത്രി ഒൻപതിന് കോട്ടയത്തുനിന്നും ആരംഭിക്കുന്ന മടക്ക സർവീസ് ചൊവ്വാഴ്ച്ച രാവിലെ ആറരയോടെ തിരികെ വഡോദരയിലെത്തും. എറണാകുളം ടൗണ്‍, ആലുവ, തൃശൂർ, ഷൊർണൂർ, തിരൂർ, കോഴിക്കോട്, തലശേരി, കണ്ണൂർ, കാസർകോട് എന്നിവിടങ്ങളില്‍ ഈ ട്രെയിൻ സർവീസില്‍ സ്റ്റോപ്പുകളുണ്ടാകും.

തെലങ്കാനയിലെ ചെർലപ്പളളിയില്‍ നിന്നും മംഗലുരുവിലേക്കും സ്പെഷ്യല്‍ ട്രെയിൻ അനുവദിച്ചിട്ടുണ്ട്. ഡിസംബർ 24നും 28നുമാണ് സർവീസ്. ചെർലപ്പളളിയില്‍ നിന്ന് രാത്രി പതിനൊന്നരയ്ക്ക് തിരിച്ച്‌ 26ന് രാവിലെ ആറിന് മംഗലുരുവിലെത്തും. ഇരുപത്തിയാറിനും മുപ്പതിനും രാവിലെ 9.55-ന് ആരംഭിക്കുന്ന മടക്ക സർവീസ് പിറ്റേന്ന് വൈകീട്ട് അഞ്ചോടെ ചെർലപ്പളളിയില്‍ എത്തും. ഈ ട്രെയിനുകള്‍ക്ക് കേരളത്തില്‍ പാലക്കാട്, ഷൊർണൂർ, തിരൂർ, കോഴിക്കോട്, വടകര, തലശേരി, കണ്ണൂർ, കാസർകോട് എന്നിവിടങ്ങളിലാണ് സ്റ്റോപ്പുകള്‍ ഉണ്ടാകും.വഡോദര-കോട്ടയം സ്പെഷ്യല്‍

20 മുതല്‍ നാല് ശനിയാഴ്ചകളില്‍

കോട്ടയം -വഡോദര സ്പെഷ്യല്‍

21മുതല്‍ നാല് ഞായറാഴ്ചകളില്‍

സ്റ്റോപ്പ് ഇവിടങ്ങളില്‍

എറണാകുളം ടൗണ്‍, ആലുവ, തൃശൂർ, ഷൊർണൂർ, തിരൂർ, കോഴിക്കോട്, തലശേരി, കണ്ണൂർ, കാസർകോട്

തെലങ്കാന ചെർലപ്പളളി-മംഗളൂരു സ്പെഷ്യല്‍

24ന് രാത്രി 11.30ന് ചെർലപ്പള്ളിയില്‍ നിന്നും യാത്ര തിരിക്കും

26ന് രാവിലെ 6ന് മംഗളൂരു

മംഗളൂരു ചെർലപ്പള്ളി മടക്കസർവീസ് 26,30 തീയതികളില്‍ രാവിലെ 9.55ന്