മൂന്നാം ക്ലാസുകാരിയെ ആക്രമിച്ച തെരുവ് നായയെ നാട്ടുകാര്‍ കൊന്നു

 

കണ്ണൂര്‍ മുഴപ്പിലങ്ങാട് മൂന്നാം ക്ലാസുകാരിയെ ക്രൂരമായി ആക്രമിച്ച തെരുവ് നായ്ക്കളെ നാട്ടുകാര്‍ കൊന്നതായി റിപ്പോര്‍ട്ട്. പല പ്രദേശങ്ങളിലും അപകടകാരികളായ തെരുവ് നായ്ക്കളെ നാട്ടുകാര്‍ കൊന്നൊടുക്കുന്നുണ്ട്. 

അതേസമയം, തെരുവ് നായ ആക്രമണത്തില്‍ പരുക്കേറ്റ് ചികിത്സയില്‍ കഴിയുന്ന മൂന്നാം ക്ലാസുകാരി ജാന്‍വി അപകടനില തരണം ചെയ്തു. കുട്ടിയുടെ കാലിലും തലയിലും ആഴത്തില്‍ മുറിവേറ്റിട്ടുണ്ട്. വീട്ടുമുറ്റത്ത് വെച്ചാണ് കുട്ടിയെ തെരുവ് നായകള്‍ വളഞ്ഞിട്ട് ആക്രമിച്ചത്. രക്ഷിതാക്കള്‍ ഓടിയെത്തിയതിനാലാണ് വന്‍ അപകടം ഒഴിവായത്.