മദ്യപിച്ചെത്തിയ അച്ഛനെ പേടിച്ച്‌ തോട്ടത്തിലൊളിച്ചു; നാലുവയസ്സുകാരി പാമ്പ് കടിയേറ്റ് ദാരുണാന്ത്യം

 

മദ്യപിച്ചെത്തി ബഹളം വെച്ച അച്ഛനെ പേടിച്ച്‌ വീടിനു സമീപത്തെ തോട്ടത്തില്‍ ഒളിച്ച നാലുവയസ്സുകാരി പാമ്ബുകടിയേറ്റു മരിച്ചു.

തിരുവട്ടാര്‍ കുട്ടക്കാട് പാല്‍വിള സ്വദേശികളായ സുരേന്ദ്രന്‍-സിജിമോള്‍ ദമ്ബതികളുടെ മകള്‍ സുഷ്​വികാമോള്‍ ആണ്​ പാമ്ബുകടിയേറ്റ് മരിച്ചത്​. തിങ്കളാഴ്ച രാത്രിയാണ് ദാരുണ സംഭവം ഉണ്ടായത്.കൂലി തൊഴിലാളിയായ സുരേന്ദ്രന്‍ രാത്രി മദ്യപിച്ചെത്തി ബഹളമുണ്ടാക്കുന്നത് പതിവാണ്. തിങ്കളാഴ്ച രാത്രിയും അച്ഛന്‍ മദ്യലഹരില്‍ ബഹളം വെച്ചപ്പോള്‍ ഭയന്ന സുഷ്‌വികയും സഹോദരന്‍മാരും എന്നിവരും സമീപത്തുള്ള റബര്‍ തോട്ടത്തിലേക്ക് ഓടിപ്പോകുന്നതിനിടെയാണ് പാമ്ബുകടിയേറ്റത്.