ആലക്കോട്:പെരുമ്പടവ് ബിവിജെഎം ഹയർ സെക്കൻഡറി സ്കൂൾ, മേരിഗിരി ഹയർ സെക്കൻഡറി സ്കൂൾ, ചപ്പാരപ്പടവ് ഹയർ സെക്കൻഡറി സ്കൂൾ, തടിക്കടവ് ഗവ. ഹൈസ്കൂൾ എന്നീ സ്കൂളുകൾ 100 ശതമാനം വിജയം കൈവരിച്ചു. പെരുമ്പടവ് ബിവിജെഎം ഹയർ സെക്കൻഡറി സ്കൂളിൽ 110 കുട്ടികൾ പരീക്ഷ എഴുതിയതിൽ 110 പേരും വിജയിച്ചു.
പത്ത് കുട്ടികൾ എല്ലാ വിഷയത്തിലും എ പ്ലസ് നേടി. മേരിഗിരി ഹയർ സെക്കൻഡറി സ്കൂളിൽ 96 കുട്ടികൾ പരീക്ഷ എഴുതിയതിൽ 96 പേരും വിജയിച്ചു.19 കുട്ടികൾ എല്ലാ വിഷയങ്ങളിലും എ പ്ലസ് നേടി. ചപ്പാരപ്പടവ് ഹയർ സെക്കൻഡറി സ്കൂളിൽ പരീക്ഷയെഴുതിയ 191 കുട്ടികളും വിജയിച്ചു. നാലു കുട്ടികൾ എല്ലാ വിഷയത്തിലും എ പ്ലസ് നേടി. തടിക്കടവ് ഗവ. ഹയർ സെക്കൻഡറി സ്കൂളിൽ 52 കുട്ടികൾ പരീക്ഷയെഴുതി. ഇതിൽ 52 പേരും വിജയിച്ചു.
ഒരു കുട്ടി എല്ലാ വിഷയത്തിനും എ പ്ലസ് നേടി. വെള്ളോറ ടാഗോർ മെമ്മോറിയൽ ഹയർ സെക്കൻഡറി സ്കൂളിൽ 261 കുട്ടികൾ പരീക്ഷ എഴുതിയതിൽ 258 പേർ വിജയിച്ചു. 18 കുട്ടികൾ എല്ലാ വിഷയത്തിലും എ പ്ലസ് നേടി. പുലിക്കുരുമ്പ സെന്റ് ജോസഫ് ഹൈസ്കൂൾ ഏഴാം തവണയും നൂറ് ശതമാനം വിജയം നേടി. 55 കുട്ടികൾ പരീക്ഷയെഴുതിയതിൽ അഞ്ച് കുട്ടികൾ ഫുൾ എ പ്ലസും നാലു പേർ ഒന്പത് എ പ്ലസും രണ്ടുപേർ എട്ട് എ പ്ലസും നേടി. വായാട്ടുപറമ്പ് സെന്റ് ജോസഫ്സ് ഹൈസ്കൂളിൽ എസ്എസ്എൽസി പരീക്ഷയെഴുതിയ 233 കുട്ടികളിൽ 233 പേരും വിജയിച്ചു. 27 പേർക്ക് ഫുൾ എ പ്ലസ്. 17 പേർക്ക് 9 എ+. 19 പേർക്ക് 8 എ പ്ലസ്. വിജയികളായ മുഴുവൻ കുട്ടികളെയും സ്കൂൾ മാനേജർ ഫാ. തോമസ് തെങ്ങുംപള്ളിൽ, പിടിഎ പ്രസിഡന്റ് പ്രകാശ് പുത്തേട്ട്, മുഖ്യാധ്യാപിക സോഫിയ ചെറിയാൻ എന്നിവർ അഭിനന്ദിച്ചു.

Post a Comment