ഇതുവഴി കടന്നുപോകുന്ന വാഹനങ്ങളിലെ ഡ്രൈവർമാർക്ക് എതിർദിശയിൽ നിന്ന് വരുന്ന വാഹനങ്ങൾ തീരെ കാണാൻ കഴിയാത്ത സാഹചര്യമാണുള്ളത്. കാഴ്ച പൂർണ്ണമായും മറയുന്നത് കാരണം ഈ പ്രദേശത്ത് അപകടങ്ങൾ ഉണ്ടാകാനുള്ള സാധ്യത ഏറെയാണ്. മുമ്പും ഇവിടെ പലതവണ അപകടങ്ങൾ നടന്നിട്ടുള്ളതായി നാട്ടുകാർ ചൂണ്ടിക്കാട്ടുന്നു.
ദിവസേന ദീർഘദൂര സർവ്വീസ് നടത്തുന്ന ബസുകൾ ഉൾപ്പെടെ നൂറുകണക്കിന് വാഹനങ്ങളാണ് ഈ വഴി കടന്നുപോകുന്നത്. ഇരുചക്ര വാഹന യാത്രികരാണ് ഇതിന്റെ ദുരിതം കൂടുതലും അനുഭവിക്കുന്നത്. വലിയ ദുരന്തങ്ങൾ ഉണ്ടാകുന്നതിന് മുൻപ് ഈ ഭാഗത്തെ കാടുകളും മരച്ചില്ലകളും വെട്ടിമാറ്റി ഗതാഗതം സുഗമമാക്കാൻ അധികൃതർ അടിയന്തരമായി തയ്യാറാകണമെന്നാണ് യാത്രക്കാരുടെയും പ്രദേശവാസികളുടെയും പ്രധാന ആവശ്യം.
Post a Comment