ടെഹ്റാൻ: ഗള്ഫ് രാജ്യങ്ങള്ക്കെതിരായ സൈനിക നടപടികള് താല്ക്കാലികമായി നിർത്തിവെച്ചതായി ഇറാൻ അറിയിച്ചു. കഴിഞ്ഞ രണ്ട് ദിവസമായി അമേരിക്ക ഇറാനെതിരെ ആക്രമണ നടപടികള് സ്വീകരിക്കാത്ത സാഹചര്യത്തിലാണ് ഈ തീരുമാനം (Iran Gulf Countries Attack Halt).
എന്നാല് സംഘർഷം വീണ്ടും ആരംഭിച്ചാല് അതിന്റെ പ്രത്യാഘാതങ്ങള് മേഖല മുഴുവൻ വ്യാപിക്കുമെന്ന് ഇറാൻ മുന്നറിയിപ്പ് നല്കി. ഇറാനെതിരായ ആക്രമണങ്ങള് താല്ക്കാലികമായി അവസാനിപ്പിക്കാൻ അമേരിക്കൻ പ്രസിഡന്റ് ഡൊണാള്ഡ് ട്രംപ് നേരത്തെ സൈന്യത്തിന് നിർദേശം നല്കിയിരുന്നു. ഇതിന് പിന്നാലെയാണ് പശ്ചിമേഷ്യയെ ആശങ്കയിലാക്കിയിരുന്ന യുഎസ്-ഇറാൻ സംഘർഷത്തില് നേരിയ അയവ് ഉണ്ടായത്.
13 ദിവസം നീണ്ട വ്യോമാക്രമണങ്ങള്ക്ക് ശേഷമാണ് അമേരിക്ക സൈനിക നടപടികളില് നിന്ന് പിന്മാറിയതെന്നാണ് റിപ്പോർട്ടുകള്. വലിയൊരു യുദ്ധത്തിലേക്ക് സാഹചര്യം നീങ്ങുന്നത് ഒഴിവാക്കി നയതന്ത്ര ചർച്ചകള്ക്ക് കൂടുതല് അവസരം നല്കാനാണ് ട്രംപ് ഭരണകൂടം ശ്രമിക്കുന്നതെന്ന് റിപ്പോർട്ടുകള് സൂചിപ്പിക്കുന്നു. അതേസമയം, അമേരിക്കൻ വ്യോമസേനയുടെ പ്രതിരോധ മിസൈല് ശേഖരത്തില് വലിയ കുറവ് സംഭവിച്ചതും ആക്രമണം നിർത്താനുള്ള കാരണങ്ങളിലൊന്നാണെന്നാണ് റിപ്പോർട്ടുകള്. നീണ്ടുനിന്ന സൈനിക നടപടികള് അമേരിക്കയുടെ പ്രതിരോധ സംവിധാനങ്ങളില് സമ്മർദ്ദം സൃഷ്ടിച്ചതായും വിലയിരുത്തപ്പെടുന്നു.
Post a Comment