ആലക്കോട്: കെ.എസ്.ആർ.ടി.സി ബസ്സുകളിലെ യാത്ര ഇനി കൂടുതൽ ആസ്വാദ്യകരമാകും. വനിതകൾക്ക് സൗജന്യ യാത്ര അനുവദിച്ചതിലൂടെയുണ്ടായ സാമ്പത്തിക ബാധ്യത മറികടക്കാൻ ബസ്സുകളിൽ ടെലിവിഷൻ സ്ഥാപിച്ച് പരസ്യവരുമാനം നേടാനാണ് അധികൃതരുടെ പുതിയ തീരുമാനം. ഇതിന്റെ ഭാഗമായി മലയോര മേഖലയിൽ ആദ്യമായി ചെറുപുഴ - താബോർ - ഉദയഗിരി - ആലക്കോട് വഴി കണ്ണൂരിലേക്ക് സർവീസ് നടത്തുന്ന കെ.എസ്.ആർ.ടി.സി പ്രിയദർശിനി ബസ്സിൽ ടി.വി. സ്ഥാപിച്ചു.
ഡ്രൈവറുടെ ക്യാബിനോട് ചേർന്നാണ് യാത്രക്കാർക്ക് കാണാൻ കഴിയുന്ന രീതിയിൽ സ്ക്രീൻ വെച്ചിരിക്കുന്നത്. വാർത്തകൾക്ക് പുറമെ വിവിധ പരസ്യങ്ങളും ഇതിൽ സംപ്രേഷണം ചെയ്യും. സ്പോൺസർമാരുടെ സഹായത്തോടെയാണ് ബസ്സിൽ ടി.വി ഒരുക്കിയിട്ടുള്ളത്. കെ.എസ്.ആർ.ടി.സി ബസ്സിലെ ഈ പുതിയ മാറ്റം മലയോര മേഖലയിലെ യാത്രക്കാർക്ക് വേറിട്ടൊരു അനുഭവമായി മാറിയിരിക്കുകയാണ്.
Post a Comment