അപകടങ്ങള് ഒഴിവാക്കുന്നതിനും ഗതാഗതം സുഗമമാക്കുന്നതിനുമായി കൃഷി മന്ത്രി ടി. സിദ്ദിഖിന്റെ നേതൃത്വത്തില് ചേർന്ന ഉന്നതതല യോഗത്തിലാണ് വലിയ മള്ട്ടി ആക്സില് വാഹനങ്ങള്ക്ക് നിയന്ത്രണം ഏർപ്പെടുത്താൻ തീരുമാനിച്ചത്.അപകടങ്ങള് ഒഴിവാക്കുന്നതിനും ഗതാഗതം സുഗമമാക്കുന്നതിനുമായി കൃഷി മന്ത്രി ടി. സിദ്ദിഖിന്റെ നേതൃത്വത്തില് ചേർന്ന ഉന്നതതല യോഗത്തിലാണ് വലിയ മള്ട്ടി ആക്സില് വാഹനങ്ങള്ക്ക് നിയന്ത്രണം ഏർപ്പെടുത്താൻ തീരുമാനിച്ചത്.
രാവിലെ ആറു മണി മുതല് രാത്രി എട്ടു മണി വരെയുള്ള സമയത്താണ് ഭാരമേറിയ വാഹനങ്ങള്ക്ക് ചുരത്തിലൂടെയുള്ള യാത്ര നിരോധിച്ചിരിക്കുന്നത്. കാലവർഷം അവസാനിക്കുന്നത് വരെയോ അല്ലെങ്കില് അടുത്ത ഉത്തരവ് ഉണ്ടാകുന്നത് വരെയോ ഈ നിയന്ത്രണം പ്രാബല്യത്തിലുണ്ടാകും. ഇതുമൂലം വയനാട്ടിലേക്കും തിരിച്ചും യാത്ര ചെയ്യുന്ന ഭാരം കൂടിയ വാഹനങ്ങള് കുറ്റ്യാടി, നാടുകാണി ചുരങ്ങള് പോലുള്ള ബദല് പാതകള് ഉപയോഗിക്കണമെന്ന് അധികൃതർ നിർദ്ദേശിച്ചു.
രണ്ട് ആക്സിലില് കൂടുതലുള്ള ട്രക്കുകള്, ടാങ്കറുകള്, ട്രെയിലറുകള്, കണ്ടെയ്നർ വാഹനങ്ങള് തുടങ്ങിയവയ്ക്കാണ് നിയന്ത്രണം ബാധകമാകുന്നത്. എന്നാല്, യാത്രാ ദുരിതം ഒഴിവാക്കാൻ കെഎസ്ആർടിസി ബസുകള്, കാറുകള്, ജീപ്പുകള്, ടാക്സികള് തുടങ്ങിയ ചെറിയ വാഹനങ്ങളെയും, ആംബുലൻസുകള്, ഫയർഫോഴ്സ്, പോലീസ്, സായുധ സേനകള് തുടങ്ങിയ അടിയന്തര സേവന വാഹനങ്ങളെയും ഈ നിയന്ത്രണത്തില് നിന്ന് ഒഴിവാക്കിയിട്ടുണ്ട്.
ചുരത്തിന്റെ അടിവാരം, ലക്കിടി എന്നിവിടങ്ങളില് വയനാട് പൊലീസിന്റെ സഹായത്തോടെ 24 മണിക്കൂറും പരിശോധന കർശനമാക്കും. നിയമം ലംഘിക്കുന്ന വാഹന ഉടമകള്ക്കും ഡ്രൈവർമാർക്കുമെതിരെ 2005-ലെ ദുരന്തനിവാരണ നിയമവും മോട്ടോർ വാഹന നിയമവും അനുസരിച്ച് ശക്തമായ നടപടികള് സ്വീകരിക്കുമെന്ന് ജില്ലാ കളക്ടർ വ്യക്തമാക്കി. കൂടാതെ, മണ്ണിടിച്ചില് സാധ്യതയുള്ള പ്രദേശങ്ങളില് അപകടാവസ്ഥയിലുള്ള മരങ്ങള് നീക്കം ചെയ്യാൻ വനംവകുപ്പിനും, റോഡിന്റെ അവസ്ഥ നിരീക്ഷിക്കാൻ പൊതുമരാമത്ത് വകുപ്പിനും നിർദ്ദേശം നല്കിയിട്ടുണ്ട്.
Post a Comment