കഴിഞ്ഞ ദിവസം ഉച്ചയ്ക്ക് പള്ളിപ്പൊയിൽ ഭാഗത്ത് കിണർ നിർമ്മാണ ജോലിയിൽ ഏർപ്പെട്ടിരിക്കെയാണ് സനൽ കുമാറിന് ശാരീരിക അസ്വസ്ഥതകൾ അനുഭവപ്പെട്ടത്. അമിതമായ ചൂടിനെത്തുടർന്ന് ജോലിസ്ഥലത്ത് വെച്ച് അദ്ദേഹം തളർന്നുവീഴുകയായിരുന്നു. ഉടൻ തന്നെ ബന്ധുക്കളും സഹപ്രവർത്തകരും ചേർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
അമിതമായ ചൂട് മൂലം ശരീരത്തിലുണ്ടായ നിർജ്ജലീകരണവും ആന്തരിക താപനില ഉയർന്നതുമാണ് (സൂര്യാഘാതം) മരണകാരണമെന്ന് ഡോക്ടർമാർ സ്ഥിരീകരിച്ചു. കഠിനമായ ചൂട് നിലനിൽക്കുന്ന സാഹചര്യത്തിൽ പകൽ 11 മണി മുതൽ 3 മണി വരെ നേരിട്ട് വെയിൽ ഏൽക്കുന്ന ജോലികളിൽ ഏർപ്പെടുന്നവർ ജാഗ്രത പാലിക്കണമെന്ന് ആരോഗ്യവകുപ്പ് നിർദ്ദേശിച്ചു.
ജാഗ്രതൈ:*വേനൽക്കാലം കടുക്കുന്ന സാഹചര്യത്തിൽ നിർജ്ജലീകരണം ഒഴിവാക്കാൻ ധാരാളം വെള്ളം കുടിക്കണമെന്നും, സൂര്യാഘാത ലക്ഷണങ്ങൾ കണ്ടാൽ ഉടൻ വൈദ്യസഹായം തേടണമെന്നും ദുരന്തനിവാരണ അതോറിറ്റി അറിയിച്ചു.
Post a Comment