അള്ട്രാവയലറ്റ് രശ്മികളുടെ സാന്നിധ്യം അപകടകരമായ രീതിയില് വർധിക്കുന്നത് മനുഷ്യശരീരത്തിന് വലിയ ആരോഗ്യഭീഷണി ഉയർത്തുമെന്ന മുന്നറിയിപ്പും അധികൃതർ നല്കിയിട്ടുണ്ട്.തുടർച്ചയായി കൂടുതല് സമയം അള്ട്രാവയലറ്റ് രശ്മികള് ശരീരത്തില് ഏല്ക്കുന്നത് സൂര്യാതപത്തിനും ത്വക്ക് രോഗങ്ങള്ക്കും നേത്രരോഗങ്ങള്ക്കും മറ്റ് ആരോഗ്യ പ്രശ്നങ്ങള്ക്കും കാരണമായേക്കാമെന്ന് കേരള സംസ്ഥാന ദുരന്ത നിവാരണ അതോറിറ്റിയുടെ മുന്നറിയിപ്പ്. ഏറ്റവും പുതിയ കണക്കുകള് പ്രകാരം കൊല്ലം, പത്തനംതിട്ട, ആലപ്പുഴ, കോട്ടയം ,ഇടുക്കി ജില്ലകളില് ഓറഞ്ച് അലർട്ട് പ്രഖ്യാപിച്ചിരിക്കുകയാണ്.
പൊതുജനങ്ങള് സുരക്ഷാമുൻകരുതലുകള് സ്വീകരിക്കണമെന്നും മുന്നറിയിപ്പിലുണ്ട്. പകല് പത്തുമണി മുതല് മൂന്നുമണി വരെയുള്ള സമയങ്ങളിലാണ് ഉയർന്ന അള്ട്രാവയലറ്റ് സൂചിക രേഖപ്പെടുത്തപ്പെടുന്നത്. അതിനാല് ഈ സമയങ്ങളില് കൂടുതല് നേരം ശരീരത്തില് നേരിട്ട് സൂര്യപ്രകാശം ഏല്ക്കുന്നത് പരമാവധി ഒഴിവാക്കണമെന്നാണ് കേരള സംസ്ഥാന ദുരന്ത നിവാരണ അതോറിറ്റിയുടെ നിർദേശം.
പുറം ജോലികളില് ഏർപ്പെടുന്നവർ, കടലിലും ഉള്നാടൻ മല്സ്യബന്ധനത്തിലും ഏർപ്പെടുന്ന മത്സ്യത്തൊഴിലാളികള്, ജലഗതാഗതത്തിലേർപ്പെടുന്നവർ, ബൈക്ക് യാത്രക്കാർ, വിനോദസഞ്ചാരികള്, ചർമരോഗങ്ങളുള്ളവർ, ആല്ബനിസം അവസ്ഥയുള്ളവർ, നേത്രരോഗങ്ങളുള്ളവർ, ക്യാൻസർ രോഗികള്, മറ്റ് രോഗപ്രതിരോധശേഷി കുറഞ്ഞ വിഭാഗങ്ങള് തുടങ്ങിയവർ പ്രത്യേകം ജാഗ്രത പാലിക്കണം.
Post a Comment