കണ്ണൂര്‍ : മലയോരത്തേയ്ക്കുള്ള കെ.എസ്.ആര്‍.ടി.സി ബസ് സര്‍വീസുകള്‍ വെട്ടിക്കുറിച്ച ജനദ്രോഹ നടപടിക്കെതിരെ ഇരിക്കൂര്‍ എം.എല്‍.എ അഡ്വ.സജീവ് ജോസഫ് മെയ് 26ന് വെള്ളിയാഴ്ച രാവിലെ 10 മണി മുതല്‍ കണ്ണൂര്‍ കെ.എസ്.ആര്‍.ടി.സി ഡിപ്പോയ്ക്ക് മുമ്ബില്‍ കുത്തിയിരിപ്പ് സമരം നടത്തുന്നു. ഉദ്ഘാടനം പേരാവൂര്‍ എം.എല്‍.എ അഡ്വ. സണ്ണി ജോസഫ് നിര്‍വ്വഹിക്കും.
മലയോരത്തേയ്ക്കുള്ള യാത്രക്ലേശം പരിഹരിക്കുന്നതിന് എം.എല്‍.എ നിയമസഭയില്‍ സബ്മിഷൻ ഉള്‍പ്പെടെ ഉന്നയിക്കുകയും, ഈ വിഷയത്തില്‍ ഗതാഗത മന്ത്രിയുടെ അധ്യക്ഷതയില്‍ തിരുവനന്തപുരത്ത് യോഗം ചേരുകയും തുടര്‍ന്ന് രണ്ട് സര്വ്വീസ് ആരംഭിക്കുകയും ഇതില്‍ ഒരെണ്ണം ഇപ്പോള്‍ നിലച്ച അവസ്ഥയിലുമാണ്. അകാരണമായി കണ്ണൂര്‍ ഡിപ്പോയില്‍ നിന്ന് മലയോര മേഘലയിലേയ്ക്ക് സര്വ്വീസ് നടത്തിയിരുന്ന നിരവധി ബസുകള്‍ നിര്‍ത്തലാക്കിയിരിക്കുന്നത്.
ഇവ പുനസ്ഥാപിക്കണെമെന്ന് ഗതാഗത മന്ത്രിയോടും, കെ.എസ്.ആര്‍.ടി.സി അധികാരികളോടും നിരവധി തവണ ആവശ്യപ്പെട്ടിരുന്നെങ്കിലും നാളിതുവരെയായി ആനുകൂലമായ തീരുമാനങ്ങളൊന്നും ഉണ്ടായിട്ടില്ല. ഇതില്‍ പ്രതിഷേധിച്ചാണ് ഇത്തരത്തിലുള്ള ഒരു സമരത്തിന് മുന്നിട്ടിറങ്ങിയതെന്ന് എം.എല്‍.എ അറിയിച്ചു.
Post a Comment