മയ്യില്‍: ഛത്തീസ്ഗഢിലെ ജഗ്‌ദല്‍പുരിനടുത്ത് ബാന്‍പുരിയുലുണ്ടായ വാഹനാപകടത്തില്‍ കണ്ണൂര്‍ കണ്ണാടിപ്പറമ്ബ് സ്വദേശി മരിച്ചു.
റായ്പുര്‍ ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസിലെ (എയിംസ്) അസി. നഴ്‌സിങ് സൂപ്രണ്ട് മാതോടത്തെ കരുണ നിവാസില്‍ സി. സുമേഷ് (35) ആണ് മരിച്ചത്.
ചൊവ്വാഴ്ച പുലര്‍ച്ചെ രണ്ടിന് ടെമ്ബോ വാനില്‍ എയിംസിലെ 13 നഴ്‌സിങ് ഓഫീസര്‍മാരുള്‍പ്പെടെ 15 പേര്‍ ജഗ്‌ദല്‍പുരിലേക്ക് യാത്രപോയതാണ്. രാവിലെ ആറിന് ബാന്‍പുരിയിലെ വെള്ളക്കെട്ടിനരികിലേക്ക് വാന്‍ മറിഞ്ഞാണ് അപകടം. വാനിലുണ്ടായിരുന്ന മലയാളികളായ ശ്രീലക്ഷ്മി (28), രോഹിണി സുരേഷ് എന്നിവര്‍ക്ക് സാരമായ പരിക്കുണ്ട്. പരിക്കേറ്റവരെ ബാന്‍പുരി സി.എച്ച്‌.സി.യിലും ജഗ്‌ദല്‍പുര്‍ മെഡിക്കല്‍ കോളേജ് ആസ്പത്രിയിലും പ്രവേശിപ്പിച്ചു.
സുമേഷിന്റെ മൃതദേഹം ബുധനാഴ്ച ഉച്ചയ്ക്ക് ഒന്നരയ്ക്ക് മംഗളൂരു വിമാനത്താവളത്തിലെത്തിച്ച്‌ കണ്ണാടിപ്പറമ്ബിലേക്ക് കൊണ്ടുവരും. കണ്ണൂര്‍ ജില്ലാ ആസ്പത്രിയില്‍നിന്ന് വിരമിച്ച ഫാര്‍മസിസ്റ്റ് പൊട്ടിച്ചിക്കണ്ടി കരുണാകരന്റെയും കണ്ണാടിപ്പറമ്ബ് പള്ളേരി മാപ്പിള എല്‍.പി. സ്‌കൂള്‍ മുന്‍ അധ്യാപിക സി. യശോദയുടെയും മകനാണ്.
സഹോദരങ്ങള്‍: സി. രൂപേഷ് (സര്‍വകലാശാലാ അസിസ്റ്റന്റ്, കോഴിക്കോട്), സി. ഉമേഷ് (സിവില്‍ പോലീസ് ഓഫീസര്‍, എ.ആര്‍. ക്യാമ്ബ്, കണ്ണൂര്‍).
Post a Comment