കൊച്ചി നെടുമ്പാശ്ശേരിയില് വിമാനം താഴ്ന്ന് പറന്ന് വീടിന്റെ മേല്ക്കൂര തകർന്നു. ശാന്തിനഗർ സ്വദേശി കാട്ടുപ്പറമ്പില് വീട്ടില് സൈമണ് കെ ജെ യുടെ വീടിൻ് മേല്ക്കൂരയാണ് തകർന്നത്.
ഇന്ന് രാവിലെ 8.30നാണ് സംഭവം . വിമാനം താഴ്ന്നു പറന്നതോടെ വീടിന്റെ മേല്ക്കൂരയിലെ ഓടുകള് പറന്നുപോവുകയായിരുന്നു എന്നാണ് പരാതി. അപകട സമയത്ത് വിട്ടുടമ സൈമണും ഭാര്യയും വീട്ടിലുണ്ടായിരുന്നു. ഓട് വീണ് സൈമണിന്റെ തോളിന് പരുക്കേറ്റിട്ടുണ്ട്. സംഭവം സിയാല് അധികൃതരെ അറിയിച്ചെന്നും കുടുംബം പറഞ്ഞു.രണ്ട് വർഷം മുൻപും സൈമണിന്റെ വീട്ടിലേക്ക് ഇത്തരത്തില് വിമാനം താഴ്ന്നുപറന്നിട്ടുണ്ട്. കഴിഞ്ഞ മാസവും സമാന സംഭവം റിപ്പോർട്ട് ചെയ്തിരുന്നു.
Post a Comment