ദേഹ: ഖത്തറിലെ ഇറാൻ ആക്രമണത്തില് ഒരു മലയാളിക്ക് പരിക്കേറ്റു. തൃശൂർ സ്വദേശിക്കാണ് പരിക്കേറ്റത്. കാലിനാണ് പരിക്ക്.ഇന്നലെയുണ്ടായ ആക്രമണത്തിലാണ് പരിക്കേറ്റതെന്ന് പ്രവാസി സംഘടനകള് അറിയിച്ചു. അദ്ദേഹത്തിന്റെ ആരോഗ്യനില ഇപ്പോള് തൃപ്തികരമാണ്. അവശ്യ കാര്യങ്ങള്ക്കല്ലാതെ പുറത്തിറങ്ങരുതെന്ന് നിർദേശം നല്കിയിട്ടുണ്ട്.
ഇറാന്റെ പ്രത്യാക്രമണം ഗള്ഫ് രാജ്യങ്ങളില് കനത്തതോടെ യു എ ഇ കടുത്ത സുരക്ഷാ മുൻകരുതലുകള് പ്രഖ്യാപിച്ചു. മിസൈല് ആക്രമണ ഭീഷണിയെ തുടർന്ന് അടുത്ത മൂന്ന് ദിവസം അതീവ ജാഗ്രതയാണ് യു എ ഇ പ്രഖ്യാപിച്ചിരിക്കുന്നത്. മാർച്ച് 2, 3, 4 തീയതികളില് രാജ്യത്തെ സ്കൂളുകള്ക്കും വിദ്യാഭ്യാസ സ്ഥാപനങ്ങള്ക്കും അവധി നല്കി. പത്താം ക്ലാസ്, പന്ത്രണ്ടാം ക്ലാസ് ഐ സി എസ് ഇ, ഐ എസ് സി പരീക്ഷകള് ഉള്പ്പെടെ മാറ്റിവെച്ചിട്ടുണ്ട്. ഈ ദിവസങ്ങളില് സ്വകാര്യ - സർക്കാർ മേഖലയിലെ ജീവനക്കാർക്ക് 'വർക്ക് ഫ്രം ഹോം' അനുവദിക്കാനും തീരുമാനിച്ചു. പ്രധാന വിനോദസഞ്ചാര കേന്ദ്രങ്ങള് അടച്ചതായും ജനങ്ങള് അതീവ ജാഗ്രത പാലിക്കണമെന്നും യു എ ഇ ഭരണകൂടം അറിയിച്ചു. ദുബായ് ഗ്ലോബല് വില്ലേജ് അടക്കം താത്ക്കാലികമായി അടച്ചിട്ടുണ്ട്.
ഇനിയും ആക്രമണം ഉണ്ടായാല് രാജ്യം ശക്തമായ പ്രതിരോധത്തിലേക്കും തിരിച്ചടിയിലേക്കും നീങ്ങുമെന്ന് യു എ ഇ അന്താരാഷ്ട്ര സഹകരണ സഹ മന്ത്രി റീം അല് ഹാഷിമി മുന്നറിയിപ്പ് നല്കി. സിഎൻഎന്നിന് നല്കിയ പ്രത്യേക അഭിമുഖത്തിലാണ് മന്ത്രി യു എ ഇയുടെ കടുത്ത നിലപാട് വ്യക്തമാക്കിയത്. ഗള്ഫ് മേഖലയിലെ രാജ്യങ്ങളിലെ അമേരിക്കൻ സൈനിക താവളങ്ങള്ക്ക് നേരെ ഇന്നലെ മുതല് ഇറാൻ ആക്രമണം നടത്തുന്നതിന്റെ പശ്ചാത്തലത്തിലാണ് യു എ ഇയുടെ കടുത്ത പ്രതികരണം.
Post a Comment