കണ്ണൂർ: പിലാത്തറ റോഡിലെ ചെറുതാഴം മണ്ടൂരില് ലോറിയിടിച്ച് വഴിയാത്രക്കാരൻ മരിച്ചു. മണ്ടൂരിലെ കാർപെന്റർ തൊഴിലാളിയും തലക്കോടത്ത് പടിഞ്ഞാറ്റേ ക്ഷേത്രത്തിന് സമീപവാസിയുമായ പി.പി.ശങ്കരൻ (68) ആണ് മരിച്ചത്.
വില്ലേജ് ഓഫീസിന് സമീപം അപകടം
ശനിയാഴ്ച രാവിലെ 11 മണിയോടെ മണ്ടൂർ വില്ലേജ് ഓഫീസിന് സമീപത്താണ് അപകടം സംഭവിച്ചത്. നിയന്ത്രണം വിട്ട ലോറി ദേഹത്ത് കയറി ശങ്കരൻ സംഭവസ്ഥലത്ത് വെച്ച് തന്നെ മരിച്ചതായി പോലീസ് റിപ്പോർട്ട് ചെയ്യുന്നു.
കുടുംബം
അപകടവിവരമറിഞ്ഞ് സ്ഥലത്തെത്തിയ പരിയാരം പോലീസ് നാട്ടുകാരുടെ സഹായത്തോടെ മൃതദേഹം പരിയാരത്തെ കണ്ണൂർ മെഡിക്കല് കോളേജ് ആശുപത്രി മോർച്ചറിയിലേക്ക് മാറ്റി.
Post a Comment