രാജ്യത്തെ കേന്ദ്ര തൊഴിലാളി സംഘടനകളും, കർഷക സംഘടനകളും സംയുക്തമായി പ്രഖ്യാപിച്ച പൊതുപണിമുടക്ക് ഇന്ന് അർധരാത്രി മുതല്.
കേന്ദ്രസർക്കാരിന്റെ തൊഴില് കോഡുകള് പിൻവലിക്കണം എന്നതടക്കമുള്ള ആവശ്യങ്ങള് ഉന്നയിച്ചാണ് പണിമുടക്ക്. 10 ട്രേഡ് യൂണിയനുകളുടെ നേതൃത്വത്തില് പ്രഖ്യാപിച്ച പൊതുപണിമുടക്കില് 30 കോടി തൊഴിലാളികള് പങ്കെടുക്കുമെന്ന് തൊഴിലാളി സംഘടനകള് അറിയിച്ചു.
രാത്രി 12 മണിക്ക് ആരംഭിക്കുന്ന 24 മണിക്കൂർ പണിമുടക്ക് നാളെ അർധരാത്രി 12 മണി വരെയാണ്. സ്വകാര്യബസ് -കെഎസ്ആർടിസി ജീവനക്കാരും പണിമുടക്കില് പങ്കെടുക്കുന്നതിനാല് ഗതാഗതം സ്തംഭിക്കും. പാല്വിതരണം, പത്രങ്ങള്, ആശുപത്രികള്, മെഡിക്കല് സ്റ്റോറുകള്, ഫയർ ആൻഡ് റെസ്ക്യൂ സർവീസുകള്, ആംബുലൻസുകള് എന്നിവ പണിമുടക്കില് നിന്ന് ഒഴിവാക്കിയിട്ടുണ്ട്.കേന്ദ്ര സർക്കാർ നാല് തൊഴില് നിയമങ്ങളും ചട്ടങ്ങളും റദ്ദാക്കണം, ഡ്രാഫ്റ്റ് സീഡ് ബില്, വൈദ്യുതി ഭേദഗതി ബില്, SHANTI ആക്ട് എന്നിവ പിൻവലിക്കണം എന്ന ആവശ്യം ഉന്നയിച്ചാണ് പണിമുടക്ക് പ്രഖ്യാപിച്ചിരിക്കുന്നത്.
Post a Comment