കണ്ണൂർ : കണ്ണൂർ സെൻട്രല് ജയില് ചാടിയ ഗോവിന്ദച്ചാമി യെ14 ദിവസത്തേക്ക് റിമാൻഡ് ചെയ്തു. പ്രതിയെ വെള്ളിയാഴ്ച്ച വൈകിട്ട് കണ്ണൂർ ഒന്നാം ക്ളാസ് മജിസ്ട്രേറ്റ് കോടതിയിലാണ് ഹാജരാക്കിയത്.
ഗോവിന്ദച്ചാമിയെ അയാള് ജയില് ചാടിയ കണ്ണൂർ പള്ളിക്കുന്നിലെ സെൻട്രല് ജയിലില് തന്നെയാണ് അടച്ചത്. കൊടുംകുറ്റവാളിയെ സുരക്ഷാ കാരണങ്ങള് പരിഗണിച്ചു. കണ്ണൂർ സെൻട്രല് ജയിലില് നിന്നും വിയ്യൂരിലേക്ക് മാറ്റാൻ ധാരണയായിട്ടുണ്ട്.
സംസ്ഥാനത്തെ ജയിലുകളിലെ സുരക്ഷാ സംബന്ധിച്ചു ശനിയാഴ്ച്ച രാവിലെ 11 മണിക്ക് മുഖ്യമന്ത്രി യോഗം വിളിച്ചിട്ടുണ്ട് ഇതിനു ശേഷമായിരുക്കും തീരുമാനമെന്ന് അറിയുന്നു. ഇതിനിടെ കോടതിയില് ഹാജരാക്കുന്നതിന് മുൻപ്
ഗോവിന്ദച്ചാമിയെ തെളിവെടുപ്പിനായി കണ്ണൂർ സെൻട്രല് ജയിലിലേക്കെത്തിച്ചിരുന്നു. അതീവ സുരക്ഷയോടെയാണ് ഗോവിന്ദച്ചാമിയെ ജയിലില് എത്തിച്ചത് അതീവ സുരക്ഷയുള്ള ജയിലില് നിന്നും എങ്ങനെയാണ് ഗോവിന്ദച്ചാമി പുറത്തെത്തിയതെന്ന് അറിയുന്നതിനായാണ് വിശദമായ തെളിവെടുപ്പ് നടത്തിയത്. രണ്ട് മണിക്കൂർ നീണ്ട ചോദ്യം ചെയ്യലിന് ശേഷമാണ് ഗോവിന്ദച്ചാമിയെ തെളിവെടുപ്പിനായി കണ്ണൂർ ടൗണ് പൊലിസ് കൊണ്ടുവന്നത്.വെള്ളിയാഴ്ച്ചപുലർച്ചെ 4:30 ന്ശേഷമാണ് ഗോവിന്ദച്ചാമി ജയില് ചാടിയത്. മാസങ്ങള് നീണ്ട ആസൂത്രണത്തിന് ഒടുവിലാണ് ഗോവിന്ദച്ചാമി ജയില് ചാടിയതെന്നാണ് വിവരം. ഒന്നരമാസം കൊണ്ട് മൂർച്ചയുള്ള ആയുധം വച്ച് ജയിലഴി മുറിച്ചു. ജയില് വർക്ക്ഷോപ്പില് നിന്നാണ് ആയുധമെടുത്തതെന്നാണ് മൊഴി. മുറിച്ച പാടുകള് തുണികൊണ്ട് കെട്ടി മറച്ചു. മതില് ചാടാൻ പാല്പ്പാത്രങ്ങളും ഡ്രമ്മും ഉപയോഗിച്ചു. ഗുരുവായൂരിലെത്തി മോഷണമായിരുന്നു ലക്ഷ്യമെന്ന് ഗോവിന്ദച്ചാമി പൊലീസിന് മൊഴി നല്കി. ജയിലില് ഗുരുതര വീഴ്ച്ചയുണ്ടായെന്നാണ് കണ്ടെത്തല്. ജയിലിലെ ഗുരുതര സുരക്ഷാ വീഴ്ചയില് നാല് ഉദ്യോഗസ്ഥരെ സസ്പെൻ്റ് ചെയ്തിട്ടുണ്ട്.
സെല്ലിന്റെ അഴി മുറിച്ച് ഏഴരമീറ്റർ ഉയരമുള്ള മതിലും ചാടി ഒറ്റക്കയ്യൻ കൊലയാളി രക്ഷപ്പെട്ടിട്ടും അധികൃതർ അറിഞ്ഞത് മണിക്കൂറുകള് വൈകിയാണ്. രാവിലത്തെ പരിശോധനയില് തടവുകാരെല്ലാം അഴിക്കുള്ളില് ഉണ്ടെന്ന് ഗാർഡ് ഓഫീസർക്ക് റിപ്പോർട്ട് നല്കിയിരുന്നു. മതിലിലെ തുണി കണ്ടശേഷമാണ് ജയില് ചാടിയെ ന്നറിഞ്ഞത്. വീണ്ടും പരിശോധിച്ചപ്പോഴാണ് ഗോവിന്ദച്ചാമിയാണ് ചാടിയത് അറിഞ്ഞത്.
Post a Comment