തിരുവനന്തപുരം: ഛത്തീസ്ഗഡില് അറസ്റ്റ് ചെയ്ത കന്യാസ്ത്രീകള്ക്ക് നീതി ലഭ്യമാക്കാന് ഇടപെടണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്ര മോദിക്ക് കത്തയച്ചു.
കോണ്വന്റില് ജോലിക്ക് എത്തിയവരെ കൂട്ടി വരാന് ഛത്തീസ്ഗഡിലെ ദുര്ഗ് റെയില്വേ സ്റ്റേഷനില് എത്തിയ സിസ്റ്റര് വന്ദനാ ഫ്രാന്സിസ്, സിസ്റ്റര് പ്രീതി മേരി എന്നിവരെ പോലീസ് കസ്റ്റഡിയില് എടുക്കുകയായിരുന്നു.
കസ്റ്റഡിയില് എടുത്തശേഷം ഇവരുമായി ആശയവിനിമയം നടത്താന് കഴിഞ്ഞിട്ടില്ലെന്ന് ബന്ധുക്കള് പരാതിയുമായി സമീപിച്ചുവെന്നും മുഖ്യമന്ത്രി കത്തില് ചൂണ്ടിക്കാട്ടി. വിഷയത്തില് നേരിട്ട് ഇടപെടണമെന്നും സുതാര്യവും നീതിയുക്തവുമായ നടപടി ഉറപ്പാക്കണമെന്നും മുഖ്യമന്ത്രി പ്രധാനമന്ത്രിയോട് അഭ്യര്ത്ഥിച്ചു.
Post a Comment