ഇന്ത്യയില് എഐ കരുത്താര്ജിക്കുന്നതോടെ ഐടി രംഗത്ത് കനത്ത തൊഴില് നഷ്ടമുണ്ടാകുമെന്ന ആശങ്ക സജീവമാവുകയാണ്. രാജ്യത്തെ ഏറ്റവും വലിയ ഐടി സേവനദാതാക്കളായ ടാറ്റ കണ്സള്ട്ടന്സി സര്വീസസ് (ടിസിഎസ്) 2026 സാമ്ബത്തിക വര്ഷത്തോടെ രണ്ട് ശതമാനം ജോലിക്കാരെ പിരിച്ചുവിടാന് തീരുമാനിച്ചതായാണ് പ്പോര്ട്ട്.മിഡില്, സീനിയര് മാനേജ്മെന്റ് തലത്തിലുള്ള 12,000-ത്തിലധികം തൊഴിലാളികളെയാണ് ടിസിഎസിന്റെ ഈ തീരുമാനം ബാധിക്കുക. ഇന്ത്യയിലെ ഐടി ഭീമന്മാരായ ടിസിഎസിന് ആകെ ഏകദേശം 613,000 ജോലിക്കാരാണുള്ളത്. ഇതില് 12,200 പേര്ക്ക് വരും നാളുകളില് തൊഴില് നഷ്ടമാകും.
ഐടി രംഗത്ത് വന് കമ്ബനികളെല്ലാം എഐയില് വന് നിക്ഷേപങ്ങള് നടത്തുകയും ജോലിക്കാരുടെ എണ്ണം വെട്ടിച്ചുരുക്കുകയും ചെയ്യുന്നത് ഇപ്പോള് ആഗോള ട്രെന്ഡാണ്. അതേസമയം കമ്ബനിയുടെ സേവനങ്ങള് തടസപ്പെടാത്ത രീതിയിലായിരിക്കും ഈ തൊഴില് പുഃനക്രമീകരണം നടപ്പിലാക്കുകയെന്ന് ടിസിഎസ് ഔദ്യോഗിക പ്രസ്താവനയില് വ്യക്തമാക്കി.
ഐടി രംഗത്ത് ഭാവി സുനിശ്ചിതമാക്കുന്നതിനുള്ള നടപടികള് സ്വീകരിച്ചുവരികയാണ് കമ്ബനി എന്നും പ്രസ്താവനയില് ടിസിഎസ് അധികൃതര് പറയുന്നു. 283 ബില്യണ് ഡോളറിന്റെ വരുമാനമാണ് ഇന്ത്യന് ഐടി രംഗം പ്രതിവര്ഷമുണ്ടാക്കുന്നത് എന്നാണ് റിപ്പോര്ട്ട്. ഇവരിലെ ഏറ്റവും വലിയ തൊഴില്ദാതാക്കളാണ് ടാറ്റ കണ്സള്ട്ടന്സി സര്വീസസ്. ടാറ്റ ഗ്രൂപ്പിന് കീഴിലുള്ള ടിസിഎസിന്റെ ആസ്ഥാനം മുംബൈയാണ്.
Post a Comment