മലപ്പുറം | മലപ്പുറം കൂരിയാട് ദേശീയപാത തകര്ന്ന സംഭവത്തില് കരാറുകാരായ കെ എന് ആര് കണ്സ്ട്രക്ഷനെ ഡീബാര് ചെയ്ത് കേന്ദ്രം.കേന്ദ്ര ഉപരിതല ഗതാഗത മന്ത്രാലയത്തിന്റേതാണ് നടപടി.ദേശീയപാത തകര്ച്ചയില് വിദഗ്ധ സമിതി പ്രാഥമിക വിവരങ്ങള് നല്കിയതിന് പിന്നാലെയാണ് ദേശീയപാത അതോറിറ്റിയുടെ നടപടി.
മെയ് 19നാണ് കൂരിയാട് ദേശീയപാത 66ന്റെ ഭാഗം ഇടിഞ്ഞുതാണത്. ദേശീയപാത ഇടിഞ്ഞ് സര്വീസ് റോഡിലേക്ക് വീഴുകയും സര്വീസ് റോഡ് അടക്കം തകരുകയും ചെയ്തിരുന്നു. അപകടത്തില് സര്വിസ് റോഡിലൂടെ സഞ്ചരിച്ച രണ്ട് കാറുകള് തകരുകയും നാല് പേര്ക്ക് പരുക്കേല്ക്കുകയും ചെയ്തിരുന്നു
അതേസമയം കേരളത്തിലെ ദേശീയപാത തകര്ച്ചയെക്കുറിച്ച് അന്വേഷിക്കാന് മൂന്നംഗ സമിതിയെ കേന്ദ്രസര്ക്കാര് നിയോഗിച്ചു. ഐഐടി പ്രൊഫസര് കെ ആര് റാവുവിന്റെ നേതൃത്വത്തിലുള്ള സംഘമാണ് അന്വേഷിക്കുക. സംഘം സ്ഥലങ്ങള് സന്ദര്ശിച്ച് ഉടന് റിപ്പോര്ട്ട് സമര്പ്പിക്കു.
Post a Comment