സീറ്റിനടിയില് ശവശരീരം, ദേഹമാസകലം ചോര, എന്നിട്ടും മുഖത്ത് ചിരി; തിയറ്ററില് ചിരിപ്പൂരം തീര്ത്ത 'മരണമാസ്' ഇനി ഒടിടിയില്അവധിക്കാലം ലക്ഷ്യമിട്ട് കുട്ടികള്ക്കും കുടുംബങ്ങള്ക്കുമായി ഒരുക്കിയ ചിത്രം ഒരു ഫണ് കോമിക് കാരിക്കേച്ചർ രീതിയിലാണ് അവതരിപ്പിച്ചിട്ടുള്ളത്. ബേസില് ജോസഫ് ചിത്രം ഇപ്പോഴിതാ ഒടിടിയിലും എത്തിയിരിക്കുകയാണ്.
ടോവിനോ തോമസ് നിർമ്മിച്ച് നവാഗതനായ ശിവപ്രസാദ് സംവിധാനം ചെയ്ത ചിത്രം സോണിലിവിലൂടെയാണ് ഒടിടിയില് എത്തിയിരിക്കുന്നത്. തമിഴ് പ്രേക്ഷകരടക്കം മരണമാസ് സിനിമ ഒടിടിയില് ഏറ്റെടുത്തിരിക്കുന്നു എന്നാണ് പ്രതികരണങ്ങളില് നിന്ന് വ്യക്തമാകുന്നത്. ചിത്രം ആഗോളതലത്തില് ആകെ 18.96 കോടി രൂപയിലധികം നേടിയിട്ടുണ്ട്. ബേസില് ജോസഫ്, സുരേഷ് കൃഷ്ണ, രാജേഷ് മാധവൻ, സിജു സണ്ണി, പ്രശാന്ത്, പൂജ, അനിഷ്മ അനില്കുമാർ എന്നിവരാണ് ചിത്രത്തിലെ പ്രധാന കഥാപാത്രങ്ങളായി വന്നിട്ടുള്ളത്.
സിറ്റുവേഷണല് കോമഡികളുടെ രസച്ചരടില് കോര്ത്തൊരുക്കിയതാണ് മരണമാസ്. ഒരൊറ്റ കഥാപാത്രത്തിന്റെ നിറഞ്ഞാട്ടത്തില് പൊട്ടിത്തീരുന്ന ചിരികളല്ല മരണമാസ്സില് എന്നതും പ്രത്യേകതയാണ്. ഓരോ കഥാപാത്രത്തെയും രസകരമായും ബുദ്ധിപൂര്വമായും ഉയോഗിക്കുക വഴിയാണ് മരണമാസ്സിന്റെ ആകെത്തുക എന്റര്ടെയ്ൻമെന്റായി തീരുന്നത്. അതിനാവശ്യമായ കഥാസന്ദര്ഭങ്ങളും ചിത്രത്തില് ഉടനീളമുണ്ട്.
Post a Comment