ഇടുക്കി: പന്നിയാർക്കുട്ടിയില്‍ നിയന്ത്രണ വിട്ട ജീപ്പ് കൊക്കയിലേക്ക് മറിഞ്ഞ് ദമ്ബതികള്‍ ഉള്‍പ്പടെ മൂന്നുപേർക്ക് ദാരുണാന്ത്യം.
വെള്ളിയാഴ്ച രാത്രി 10.30 നുണ്ടായ സംഭവത്തില്‍ ഇടയോടിയില്‍ ബോസ്, ഭാര്യ റീന, ഡ്രൈവർ ഏബ്രഹാം എന്നിവരാണ് മരിച്ചത്.
ഒളിമ്ബ്യൻ കെ.എം. ബീന മോളുടെ സഹോദരിയാണ് മരിച്ച റീന. പന്നിയാർ കുട്ടി പള്ളിക്ക് സമീപം എത്തിയപ്പോള്‍ നിയന്ത്രണം വിട്ട ജീപ്പ് നൂറടി താഴ്ചയിലേക്ക് മറിയുകയായിരുന്നു. അപകടം നടന്ന ഉടനെ മൂന്നു പേരെയും അടിമാലി താലൂക്ക് ആശുപത്രിയില്‍ എത്തിച്ചെങ്കിലും ബോസിന്‍റെയും റീനയുടെയും ജീവൻ നഷ്ടമായിരുന്നു.
ഗുരുതരമായി പരിക്കേറ്റ് ചികിത്സയിലിരിക്കെ ശനിയാഴ്ച പുലർച്ചെയാണ് ഏബ്രഹാം മരിച്ചത്. അടിമാലി താലൂക്ക് ആശുപത്രിയില്‍ സൂക്ഷിച്ചിരിക്കുന്ന മൃതദേഹം പോസ്റ്റ്മോർട്ടത്തിനുശേഷം ബന്ധുക്കള്‍ക്ക് വിട്ടു നല്‍കും.
Post a Comment