മലപ്പുറം: പരീക്ഷ കഴിഞ്ഞ് വീട്ടിലേക്ക് മടങ്ങുകയായിരുന്ന കുട്ടികള്‍ക്ക് നേരെ കാർ പാഞ്ഞുകയറി മൂന്ന് കുട്ടികള്‍ക്ക് പരിക്കേറ്റു.
പൊന്നാനിയില്‍ ഉച്ചയോടെയാണ് സംഭവം. പൊന്നാനി എ വി ഹൈസ്‌കൂളിലെ മൂന്ന് കുട്ടികള്‍ക്കാണ് പരിക്കേറ്റത്. പത്താം ക്ളാസ് പരീക്ഷ കഴിഞ്ഞ് മടങ്ങുകയായിരുന്നു ഇവർ.
നിയന്ത്രണം വിട്ടെത്തിയ കാർ കുട്ടികളെ ഇടിച്ച ശേഷം മറ്റൊരു കാറില്‍ ഇടിക്കുകയായിരുന്നു. കുട്ടികളെ ഉടൻ ആശുപത്രിയില്‍ പ്രവേശിപ്പിച്ചു. ഇവരുടെ പരിക്ക് ഗുരുതരമല്ല. പൊന്നാനി താലൂക്ക് ആശുപത്രിയിലും, മലപ്പുറത്തെ സ്വകാര്യ ആശുപത്രിയിലുമാണ് കുട്ടികള്‍.
പാലക്കാട് പനയമ്ബാടത്ത് എട്ടാം ക്ളാസുകാരായ നാല് കുട്ടികളുടെ ജീവനെടുത്ത അപകടത്തിന്റെ ഞെട്ടലിനിടയിലാണ് പുതിയ സംഭവം. വിദ്യാർത്ഥിനികളുടെ മൃതദേഹം ഖബറടക്കി. തുപ്പനാട് ജുമാ മസ്ജിദിലാണ് ഖബറടക്കിയത്.ചെറുള്ളി സ്വദേശികളായ അബ്ദുള്‍ സലാമിന്റെ മകള്‍ പി.എ.ഇർഫാന ഷെറിൻ, അബ്ദുള്‍ റഫീഖിന്റെ മകള്‍ റിദ ഫാത്തിമ, അബ്ദുള്‍ സലീമിന്റെ മകള്‍ കെ.എം.നിദ ഫാത്തിമ, ഷറഫുദ്ദീന്റെ മകള്‍ എ.എസ്.ആയിഷ എന്നിവരാണ് കഴിഞ്ഞദിവസം അപകടത്തില്‍ മരിച്ചത്
Post a Comment