തിരുവനന്തപുരം: ക്രിസ്മസ് പുതുവത്സര അവധി പ്രമാണിച്ച് കെഎസ്ആര്ടിസി കേരളത്തിന് പുറത്തേക്ക് അധിക സര്വ്വീസ് നടത്താന് ഒരുങ്ങുന്നു.
ഈ മാസം 18 മുതല് ജനുവരി ഒന്ന് വരെ ആണ് അധിക സര്വ്വീസിന് ഒരുങ്ങുന്നത്. ബെംഗളൂരു, മൈസൂര്, ചെന്നൈ എന്നിവിടങ്ങളിലേയ്ക്ക് അധിക സര്വീസുകള് നടത്താനാണ് തീരുമാനം.
കോഴിക്കോട്, കണ്ണൂര്, കോട്ടയം, എറണാകുളം, പാലക്കാട്, തിരുവനന്തപുരം, അടൂര്, കൊട്ടാരക്കര, കൊല്ലം എന്നിവിടങ്ങളില് നിന്നാണ് പ്രത്യേക സര്വീസുകള് നടത്തുന്നത്. യാത്രക്കാരുടെ തിരക്കും സീറ്റ് റിസര്വേഷന്റെ എണ്ണവും പരിഗണിച്ചായിരിക്കും സര്വീസുകള് നടത്തുക.
ക്രിസ്മസ്-പുതുവത്സര അവധിക്കാലത്തുണ്ടാകുന്ന യാത്രക്കാരുടെ തിരക്ക് കണക്കിലെടുത്ത് മുംബൈയില് നിന്ന് കേരളത്തിലേക്ക് സ്പെഷ്യല് ട്രെയിന് പ്രഖ്യാപിച്ചിരുന്നു. മുംബൈയ് എല്ടിടിയില് നിന്ന് കൊച്ചു വേളി തിരുവനന്തപുരം നോര്ത്തിലേക്കാണ് പ്രതിവാര സ്പെഷ്യല് ട്രെയിന് പ്രഖ്യാപിച്ചിരിക്കുന്നത്.
കോട്ടയം വഴിയായിരിക്കും ട്രെയിന് കൊച്ചുവേളിയിലെത്തുക. ഡിസംബര് 19, 26 വൈകിട്ട് നാലിനായിരിക്കും മുംബൈ എല്ടിടിയില് നിന്ന് ട്രെയിന് കൊച്ചുവേളിയിലേക്ക് യാത്ര പുറപ്പെടുക. ജനുവരി 2, 9 തീയതികളില് വൈകിട്ട് നാലിനായിരിക്കും മുംബൈ എല്ടിടിയില് നിന്ന് ട്രെയിന് കൊച്ചുവേളിയിലേക്ക് യാത്ര പുറപ്പെടുക. തിരിച്ച് ജനുവരി 4, 11 തീയതികളില് വൈകിട്ട് 4.20ന് മുംബൈ എല്ടിടിയിലേക്കും ട്രെയിന് പുറപ്പെടും.
Post a Comment