പയ്യാവൂർ: നവംബർ 11 മുതൽ ചെമ്പന്തൊട്ടിയുടെ മണ്ണിൽ അരങ്ങേറുന്ന ഇരിക്കൂർ ഉപജില്ലാ സ്കൂൾ കലോത്സവം വിളംബരം ചെയ്ത് വാദ്യഘോഷാദികളുടെ അകമ്പടിയോടെ വർണ ശബളാഭമായ ഘോഷയാത്ര നടത്തി. ചെറുപുഷ്പം യുപി സ്കൂളിൽ നിന്നാരംഭിച്ച ഘോഷയാത്ര ശ്രീകണ്ഠപുരം നഗരസഭാധ്യക്ഷ ഡോ.കെ.വി.ഫിലോമിന ഫ്ലാഗ് ഓഫ് ചെയ്തു. നഗരസഭ വികസന കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ജോസഫീന വർഗീസ്, വിദ്യാഭ്യാസ കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ത്രേസ്യാമ്മ മാത്യു, പൊതുമരാമത്ത് സ്റ്റാൻഡിംഗ് കമ്മിറ്റി ചെയർമാൻ കെ.സി.ജോസഫ് കൊന്നയ്ക്കൽ, വാർഡ് കൗൺസിലർ കെ.വി.ഗീത, എഇഒ പി.കെ.ഗിരീഷ് മോഹൻ, ബിപിസി ടി.വി.ഒ.സുനിൽകുമാർ, സ്കൂൾ മാനേജർ ഫാ.ആൻറണി മഞ്ഞളാംകുന്നേൽ, ക്ലീൻ സിറ്റി മാനേജർ മോഹൻ നമ്പ്യാർ എന്നിവരടക്കം നിരവധി പ്രമുഖർ ഘോഷയാത്രയിൽ പങ്കെടുത്തു. വിവിധ കലാരൂപങ്ങളും നിശ്ചലദൃശ്യങ്ങളും ഘോഷയാത്രയിൽ അണിനിരന്നു.സെൻ്റ് ജോർജ് ഹൈസ്കൂളിൽ സമാപിച്ച ഘോഷയാത്രയിൽ പൊതുജന പങ്കാളിത്തവും സജീവമായിരുന്നു.
Post a Comment