ഡല്ഹി: പാചക വാതക കണക്ഷൻ മസ്റ്ററിംഗ് പൂർത്തീകരിക്കാൻ സമയ പരിധി നിശ്ചയിച്ചിട്ടില്ലെന്ന് കേന്ദ്ര പെട്രോളിയം മന്ത്രി ഹർദീപ് സിങ് പുരി.
ഇകെവൈസി സിലിൻഡർ വിതരണത്തിന് എത്തുന്നവർ വീട്ടില് വച്ചു തന്നെ മൊബൈല് ഫോണ് ഉപയോഗിച്ച് ചെയ്യുമെന്നും മന്ത്രി വ്യക്തമാക്കി. പ്രതിപക്ഷ നേതാവ് വിഡി സതീശന്റെ കത്തിന് മറുപടിയായാണ് മന്ത്രി ഇക്കാര്യം അറിയിച്ചത്. എല്പിജി സിലിണ്ടര് ഉടമകള് ഗ്യാസ് കണക്ഷന് മസ്റ്ററിങ് നടത്തണമെന്ന കേന്ദ്ര സര്ക്കാര് ഉത്തരവ് വന്നതോടെ ഉപയോക്താക്കള്ക്ക് വലിയ ആശങ്ക സൃഷ്ടിച്ചിരുന്നു. എല്പിജി കമ്ബനികളുടെ ഷോറൂമുകളില് മസ്റ്ററിംഗ് നടപടികള് ഇല്ലെന്നും ഉപയോക്താക്കള്ക്ക് ഗ്യാസ് നിരസിക്കുന്ന കാര്യങ്ങള് ജീവനക്കാരില് നിന്ന് ഉണ്ടാകില്ലെന്ന് ഉറപ്പുവരുത്തണമെന്നും എണ്ണ കമ്ബനികളോട് മന്ത്രി നിര്ദേശിച്ചിട്ടുണ്ട്. എല്പിജി സിലിൻഡർ വീടുകളില് വിതരണം ചെയ്യുമ്ബോള് ഡെലിവറി ജീവനക്കാരന് ഉപഭോക്താക്കളുടെ ആധാര് അടക്കമുള്ള രേഖകകള് പരിശോധിക്കും.
അതിന് ശേഷം മൊബൈല് ആപ് വഴി രേഖകള് അപ് ലോഡ് ചെയ്യും. തുടര്ന്ന് ലഭിക്കുന്ന ഒടിപി വഴി ഉപഭോക്താക്കള്ക്ക് മസ്റ്ററിങ് പൂര്ത്തീകരിക്കാനാകും. ആവശ്യമെങ്കില് വിതരണ കേന്ദ്രത്തില് എത്തി പരിശോധന നടത്താമെന്നും മന്ത്രി പറഞ്ഞു.
Tweet Facebook Whatsapp Telegram
Post a Comment