മലയാളികളുടെ ഉടമയിലുള്ള വിമാന കമ്ബനി എന്ന സ്വപ്നം പൂവണിയുന്നു. ദുബായിലെ മലയാളി വ്യവസായികള് നേതൃത്വം നല്കുന്ന കമ്ബനിക്ക് വിമാന സർവീസ് നടത്താൻ കേന്ദ്രസർക്കാരിന്റെ അനുമതി ലഭിച്ചു.
എയർ കേരള എന്ന പേരില് ആയിരിക്കും വിമാന സർവീസ്. ദുബായ് ആസ്ഥാനമായ സെറ്റ്ഫ്ലൈ ഏവിയേഷൻ (Zettfly Aviation) എന്ന കമ്ബനിയാണ് ഈ പുതിയ സംരംഭത്തിന് നേതൃത്വം നല്കുന്നത്. കേരളം ആസ്ഥാനമായുള്ള ആദ്യത്തെ വിമാന കമ്ബനിയായിരിക്കും ഇത്.
തുടക്കം മൂന്ന് വിമാനങ്ങള്
തുടക്കത്തില് മൂന്നു വിമാനങ്ങളാണ് കമ്ബനി വാങ്ങുക. വിമാനങ്ങളുടെ എണ്ണം 20 ആയി വർദ്ധിപ്പിക്കാനും പദ്ധതിയുണ്ട്. എ.ടി.ആർ 72 600 വിമാനങ്ങള് ആണ് ആദ്യഘട്ടത്തില് ഉപയോഗിക്കുന്നത്. ഇന്ത്യൻ നഗരങ്ങളെ ബന്ധിപ്പിച്ചുകൊണ്ടുള്ള ഡൊമസ്റ്റിക് സർവീസുകളാണ് തുടക്കത്തില് ഉണ്ടാവുക. പിന്നീട് അനുമതി ലഭിക്കുന്ന മുറയ്ക്ക് വിദേശ സർവീസുകളും ആരംഭിക്കും.
സെറ്റ് ഫ്ലൈ ഏവിയേഷൻ കമ്ബനി ചെയർമാൻ അഫി അഹമ്മദ്, വൈസ് ചെയർമാൻ അയ്യൂബ് കല്ലട എന്നിവരാണ് ഇത് സംബന്ധിച്ച വിവരങ്ങള് ദുബായില് പ്രഖ്യാപിച്ചത്.
ദീർഘകാലത്തെ കാത്തിരിപ്പ്
മലയാളികളുടെ ഉടമയിലുള്ള വിമാന കമ്ബനി എന്ന കാത്തിരിപ്പിന് ഏറെക്കാലത്തെ പഴക്കമുണ്ട്. പതിറ്റാണ്ടുകള്ക്കു മുമ്ബ് മലയാളി വ്യവസായി ആയി തഖയുദീൻ അബ്ദുല് വാഹിദിന്റെ നേതൃത്വത്തില് ഈസ്റ്റ് വെസ്റ്റ് എയർലൈൻസ് സര്വീസ് നടത്തിയിരുന്നു. പിന്നീട് അദ്ദേഹത്തിന്റെ മരണത്തെ തുടർന്ന് ഈ സർവീസ് നിലച്ചു. കേരള സർക്കാർ സ്വന്തം വിമാന കമ്ബനി ആരംഭിക്കാൻ ആലോചനകള് നടത്തിയിരുന്നെങ്കിലും യാഥാർത്ഥ്യമായില്ല.
Post a Comment