കണ്ണൂര്: ശുചിത്വ മാലിന്യ പരിപാലന ലംഘനങ്ങള് കണ്ടെത്താനുള്ള ജില്ല എന്ഫോഴ്സ്മെന്റ് സ്ക്വാഡുകള് പരിശോധന കര്ശനമാക്കും.
ഒറ്റത്തവണ ഉപയോഗ വസ്തുക്കളുടെ ഉപയോഗം, മാലിന്യം വലിച്ചെറിയല്, ജലാശയങ്ങള് മലിനപ്പെടുത്തല്, പൊതു സ്വകാര്യ സ്ഥലങ്ങളിലെ മാലിന്യ നിക്ഷേപം, നിയമവിരുദ്ധമായി സ്ഥാപിക്കുന്ന ബോര്ഡുകള് എന്നിവ കണ്ടെത്തി നടപടിയെടുക്കും.
ക്യാരിബാഗിന് പകരമായി സാധനങ്ങള് ഒരുമിച്ച് എച്ച്.എം കവറില് ഇട്ട് നല്കുന്നതും കുറഞ്ഞത് 10,000 രൂപ പിഴ ചുമത്താവുന്ന കുറ്റമാണ്. പച്ചക്കറി കടകളില് വ്യാപകമായി ഇത്തരം കവര് ക്യാരി ബാഗിനു പകരമായി നല്കുന്നത് സ്ക്വാഡിന്റെ ശ്രദ്ധയില്പെട്ടിട്ടുണ്ട്. ജില്ലയില് രണ്ട് സ്ക്വാഡുകളാണ് നിലവിലുള്ളത്. ഒറ്റത്തവണ ഉപയോഗ വസ്തുക്കള് കണ്ടെടുത്താല് ആദ്യം 10,000 രൂപയും രണ്ടാം തവണ 25,000 രൂപയുമാണ് പിഴ.
Post a Comment