.jpeg)
ന്യൂഡല്ഹി:കര്ഷകരുടെ ക്ഷേമത്തിനായുള്ള പിഎം കിസാന് സമ്മാന് നിധി യോജന പ്രകാരമുള്ള 14-ാമത്തെ ഗഡു നല്കുന്നത് സംബന്ധിച്ച് കേന്ദ്ര സര്ക്കാര് ഉടന് പ്രഖ്യാപനം നടത്തും എന്നാണ് റിപ്പോര്ട്ട്. ഏപ്രിലിനും ജൂലൈക്കും ഇടയില് രണ്ടായിരം രൂപ വീതമുള്ള ധനസഹായം കര്ഷകര്ക്ക് വിതരണം ചെയ്യുമെന്നാണ് സൂചന._
_കര്ഷകരുടെ ക്ഷേമത്തിനായി വര്ഷം മൂന്ന് ഗഡുക്കളായി ആറായിരം രൂപയാണ് കേന്ദ്ര സര്ക്കാര് നല്കുന്നത്. ഫെബ്രുവരി 26നാണ് ഇതിന് മുന്പ് ധനസഹായം വിതരണം ചെയ്തത്. പദ്ധതി പ്രകാരം 2000 രൂപ വീതം ലഭിക്കുന്നതിന് അര്ഹരായ കര്ഷകര് രജിസ്റ്റര് ചെയ്യേണ്ടതുണ്ട്.
ഓണ്ലൈനായി അപേക്ഷിക്കുന്ന വിധം ചുവടെ:
♦️ _ഔദ്യോഗിക വെബ്സൈറ്റായ pmkisan.gov.in സന്ദര്ശിക്കുക
♦️_ഫാര്മേഴ്സ് കോര്ണറിലേക്ക് പോകുക
♦️ _ന്യൂ ഫാര്മര് രജിസ്ട്രേഷനില് ക്ലിക്ക് ചെയ്യുക
♦️ _ആധാര് നമ്പര് നല്കി മുന്നോട്ട് പോകുക
♦️ _രജിസ്ട്രേഷന് ഫോം പൂരിപ്പിക്കുന്നതോടെ നടപടികള് പൂര്ത്തിയാകും പ്രിന്റ് ഔട്ട് എടുക്കുക.
✳️ രജിസ്ട്രേഷന് വേണ്ട രേഖകള്:
● _ആധാര് കാര്ഡ്_
● _ഭൂമിയുടെ കൈവശാവകാശ രേഖ_
● _വരുമാന സര്ട്ടിഫിക്കറ്റ്_
● _ബാങ്ക് അക്കൗണ്ട് വിവരങ്ങൾ
● _പാസ്പോര്ട്ട് സൈസ് ഫോട്ടോ
● _മൊബൈല് നമ്പർ
_പിഎം കിസാന് പോര്ട്ടല് സന്ദര്ശിച്ച് ഗുണഭോക്താക്കളുടെ പട്ടിക നോക്കാവുന്നതാണ്. ഫാര്മേഴ്സ് കോര്ണറില് ഗുണഭോക്താക്കളുടെ ലിസ്റ്റില് ക്ലിക്ക് ചെയ്താണ് മുന്നോട്ട് പോകേണ്ടത്. സംസ്ഥാനം, ജില്ല, ഉപജില്ല, ബ്ലോക്ക്, വില്ലേജ് തുടങ്ങിയ വിവരങ്ങള് നല്കിയാണ് മുന്നോട്ട് പോകേണ്ടത്.
ധനസഹായം മുടക്കം കൂടാതെ ലഭിക്കുന്നതിന് ഇ- കെവൈസി അപ്ഡേറ്റ് ചെയ്യേണ്ടതുണ്ട്. പിഎം കിസാന് പോര്ട്ടലില് കയറി വേണം ഇത് ചെയ്യാന്. ഇ- കെവൈസി ഓപ്ഷനില് കയറി, ആധാര് നമ്പര് നല്കി വേണം നടപടികള് പൂര്ത്തിയാക്കേണ്ടത്. ആധാര് നമ്പറുമായി ബന്ധിപ്പിച്ചിരിക്കുന്ന മൊബൈല് നമ്പര് നല്കുന്നതോടെ, ഒടിപി ലഭിക്കും. ഇത് നല്കുന്നതോടെ നടപടികള് പൂര്ത്തിയാവും.
Post a Comment