സംസ്ഥാനത്ത് വില്ക്കുന്ന കുപ്പിവെള്ളത്തിന്റെ ശുദ്ധത ഉറപ്പ് വരുത്താൻ ഇന്ന് മുതല് വ്യാപക പരിശോധന. ഭക്ഷ്യ സുരക്ഷാ വകുപ്പാണ് പരിശോധന നടത്തുന്നത്. എല്ലാ ജില്ലകളിലും പ്രത്യേകം സ്ക്വാഡുകള് രൂപീകരിച്ചാണ് പരിശോധന. അംഗീകൃതമല്ലാത്തതും വ്യാജവുമായ കുപ്പിവെള്ളം വിറ്റാല് ഭക്ഷ്യസുരക്ഷാ നിയമപ്രകാരം കര്ശന നടപടി സ്വീകരിക്കും. കുപ്പിവെള്ളം വാങ്ങുമ്പോൾ ISI മുദ്രയുണ്ടെന്ന് ജനങ്ങൾ ഉറപ്പ് വരുത്തണം.
കുപ്പിവെള്ളം; ശ്രദ്ധിക്കേണ്ട കാര്യങ്ങൾ
▶ കുടിവെള്ളം വെയില് ഏല്ക്കുന്ന രീതിയില് വാഹനങ്ങളില് വിതരണത്തിനായി കൊണ്ട് പോകുന്നതും വളരെ ആരോഗ്യ പ്രശ്നങ്ങള് സൃഷ്ടിക്കും.
▶· അധിക നേരം പ്ലാസ്റ്റിക് കുപ്പികള് വെയില് ഏല്ക്കുമ്പോള് അതില് നിന്നും കെമിക്കല് ലീക്കുണ്ടായി ആരോഗ്യത്തിന് ഹാനികരമാകും.
▶· വെയില് ഏല്ക്കുന്ന രീതിയില് തുറന്ന വാഹനങ്ങളില് കുപ്പിവെള്ളവും മറ്റ് പാനീയങ്ങളും വിതരണത്തിനായി കൊണ്ട് പോകരുത്.
▶ കുപ്പിവെള്ളത്തില് ഐഎസ്ഐ മുദ്രയുണ്ടോ എന്ന് ഉറപ്പു വരുത്തണം.
▶ പ്ലാസ്റ്റിക് ബോട്ടിലിന്റെ സീല് പൊട്ടിച്ചിട്ടില്ല എന്നും ഉറപ്പു വരുത്തണം.
▶· വലിയ കാനുകളില് വരുന്ന കുടിവെള്ളത്തിനും സീല് ഉള്ളതാണെന്ന് ഉറപ്പു വരുത്തേണ്ടതാണ്.
▶· കടകളില് വെയില് ഏല്ക്കുന്ന രീതിയില് കുപ്പിവെള്ളമോ ശീതള പാനീയങ്ങളോ സൂക്ഷിക്കാതിരിക്കുക. അത്തരം പാനീയങ്ങള് വാങ്ങാതിരിക്കുക.
Post a Comment